ທ່ານ ບຸນປອນ ໄຊຍະເສນ ຫົວໜ້າກົມບຳນານເສຍອົງຄະ ແລະ ພິການ
ກະຊວງ ແຮງງານ ແລະ ສະຫວັດດີການສັງຄົມ ໄດ້ອອກມາຊີ້ແຈ້ງຂໍ້ຂ້ອງໃຈຂອງສັງຄົມ ທີ່ກ່ຽວພັນກັບຂະແໜງການຕົນຜ່ານສາຍດ່ວນ 156 ໃນໄລຍະການດຳເນີນກອງປະຊຸມສະໄໝສາມັນເທື່ອທີ
10 ຂອງສະພາແຫ່ງຊາດຊຸດທີ VII ໂດຍສະເພາະວຽກງານສັງຄົມສົງເຄາະເປັນຕົ້ນ ປະຊາຊົນແຂວງບໍລິຄຳໄຊ ມີຄວາມເປັນຫ່ວງກ່ຽວກັບຄົນ ຢູ່ຕາມບ້ານຕ່າງໆໃນເທດສະບານແຂວງບໍລິຄຳໄຊ ກໍຄືໃນຫລາຍທ້ອງຖິ່ນ ຊຶ່ງມັນໄດ້ສ້າງຄວາມຫຍຸ້ງຍາກໃຫ້ແກ່ສັງຄົມ ແລະ ນັກທ່ອງທ່ຽວ. ຕໍ່ບັນຫາດັ່ງກ່າວ ທ່ານຫົວໜ້າກົມບຳນານເສຍອົງຄະ ແລະ ຄົນພິການ ໄດ້ຊີ້ແຈງຕໍ່ສື່ມວນຊົນວ່າ: ໃນໄລຍະຜ່ານມາ ບັນຫາຄົນຂໍທານ ແມ່ນມັກພົບເຫັນຢູ່ສະເພາະນະຄອນຫລວງວຽງຈັນ, ສ່ວນແຂວງອື່ນໆ
ຍັງບໍ່ໄດ້ຮັບການລາຍງານ
ຈາກພາກ ສ່ວນກ່ຽວຂ້ອງ ແຕ່ບັນຫານີ້ ທາງກະຊວງແຮງງານ ແລະ ສະຫວັດດີການສັງຄົມ ຈະໄດ້ລົງສົມທົບກັບພາກສ່ວນກ່ຽວຂ້ອງຂອງແຂວງດັ່ງກ່າວ ເພື່ອເກັບກໍາຂໍ້ມູນຄົນຂໍທານ, ໂດຍແຍກໃຫ້ຖືກຕາມກຸ່ມເປົ້າໝາຍຂອງສັງຄົມສົງເຄາະ ເພື່ອໃຫ້ເຂົາເຈົ້າເຫລົ່ານັ້ນ ໄດ້ຮັບການຊ່ວຍເຫລືອຢ່າງຖືກວິທີ, ສ່ວນຜູ້ທີ່ແຂງແຮງດີ
ແມ່ນຈະໄດ້ສຶກສາອົບຮົມ, ສົ່ງກັບທ້ອງຖິ່ນເດີມ, ຊອກວຽກເຮັດງານທຳໃຫ້ເຂົາເຈົ້າ ເພື່ອບໍ່ໃຫ້ກັບມາຂໍທານອີກ, ພ້ອມນີ້ ຍັງມີປະຊາຊົນບ້ານໂພນຕ້ອງສະຫວາດ, ເມືອງຈັນທະບູລີ ນະ ຄອນຫລວງວຽງຈັນ ໄດ້ສະເໜີຢາກໃຫ້ນຳໃຊ້ບັດປະກັນສັງຄົມ ໄດ້ທຸກໂຮງໝໍທີ່ເປັນຂອງລັດ ຈະເປັນການດີທີ່ສຸດ ເພາະວ່າພະນັກງານບາງຄົນ ໄປເຮັດວຽກຢູ່ຕ່າງແຂວງ ຖ້າເຈັບເປັນກໍຈະສະດວກໃນການເຂົ້າຮັບການປິ່ນປົວໃຫ້ທັນເວລາ. ຕໍ່ບັນຫານີ້ ທ່ານໄດ້ຊີ້ແຈງວ່າ: ປັດຈຸບັນຫ້ອງການກອງທຶນປະກັນສັງຄົມ ແລະ ສູນບໍລິການກອງທຶນປະກັນສັງຄົມແຫ່ງຊາດ ຢູ່ບັນດາແຂວງທົ່ວປະເທດ ໄດ້ເຊັນສັນຍາກັບບັນດາໂຮງໝໍສູນກາງ, ແຂວງ ແລະ ເມືອງໃນທົ່ວປະເທດ, ຖ້າຫາກມີຄວາມຈຳເປັນ ຫລື
ເກີດເຫດການສຸກເສີນ ຜູ້ກ່ຽວພຽງແຕ່ນຳໃຊ້ບັດດັ່ງກ່າວ ຍື່ນຕໍ່ໂຮງໝໍທີ່ຕົນເຂົ້າປິ່ນປົວ, ຈາກນັ້ນ ທາງໂຮງໝໍຈະປະສານງານກັບໂຮງໝໍທີ່ຜູ້ກ່ຽວໄດ້ເລືອກໄວ້ແຕ່ເບື້ອງຕົນ ພຽງເທົ່ານີ້ ກໍສາມາດໃຊ້ບໍລິການໄດ້ທຸກໂຮງໝໍທີ່ໃກ້ຄຽງໄດ້ແລ້ວ.
ຂໍອອກຄວາມຄິດແນ່ເດີ ເວລາໄປ ຮໝ ອື່ນເຂົາກະບອກໃຫ້ເກັບບິນໄວ້ ເວລາມາເບີກກະເວົ້າວ່າເຈົ້າບໍ່ແຈ້ງ ທັງທີ່ແຈ້ງແລ້ວ,ລະຊິແກ້ໄຂແນວໃດເດ
ReplyDelete