ກົມອຸຕຸນິຍົມ ແລະ ອຸທົກກະສາດ
ໃຫ້ຮູ້ວ່າ: ໃນໄລຍະວັນທີ
20-22 ມັງກອນນີ້, ມວນອາກາດໜາວເຢັນຈະອ່ອນກຳລັງລົງເລັກນ້ອຍ, ສົມທົບກັບກະແສລົມຕາເວັນອອກ-ຕາເວັນອອກສ່ຽງເໜືອພັດປົກຄຸມເປັນສ່ວນໃຫຍ່, ເຮັດໃຫ້ອາກາດອຸ່ນຂຶ້ນໃນແຕ່ລະພາກ, ແຕ່ອາກາດຍັງຈະໜາວຢູ່ບັນດາແຂວງພາກເໜືອດ້ານຕາເວັນອອກ, ໄຊສົມບູນ ແລະ ເຂດພູພຽງບໍລະເວນປາກຊ່ອງ, ໃນທ້າຍອາທິດ ວັນທີ 23-24 ມັງກອນນີ້, ບໍລິເວນຄວາມກົດດັນສູງຂອງອາກາດໜາວຈະມີກຳລັງແຮງເພີ້ມຂຶ້ນແຜ່ລົງມາປົກຄຸມຢູ່ທົ່ວທຸກພາກຂອງລາວອີກຮອບໃໝ່, ຊຶ່ງລັກສະນະດັ່ງກ່າວຈະເຮັດໃຫ້ອຸນຫະພູມອາ ກາດເຢັນລົງຕື່ມອີກ 1-3 ອົງສາ ແລະ ຈະມີຝົນຕົກໃນລະດັບຄ່ອຍພ້ອມມີລົມພັດແຮງເປັນບາງໂອ ກາດຢູ່ບາງທ້ອງຖິ່ນໃນແຕ່ລະພາກ.
ໃນໄລຍະກາງຫາທ້າຍອາທິດນີ້ ອາກາດຈະເຢັນ ພ້ອມມີໝອກບາງປົກຫຸ້ມຢູ່ທົ່ວໄປໃນຕອນເຊົ້າຢູ່ແຕ່ລະພາກ, ຈາກນັ້ນ ໄລຍະທ້າຍອາທິດ ອຸນຫະພູມຈະເຢັນລົງ 1-3 ອົງສາ ຢູ່ແຕ່ລະພາກ ແລະ ສະເພາະແຂວງພາກເໜືອດ້ານຕາເວັນອອກ ອາກາດຈະໜາວເຢັນຫລາຍພ້ອມມີໝອກໜາປົກຫຸ້ມຫລາຍຂຶ້ນ ແລະ ໃນໄລຍະນີ້ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງພາກກາງ ແລະ ພາກໃຕ້, ຈາກນັ້ນ ຈະມີຝົນຕົກກະຈາຍຫລາຍຂຶ້ນໃນແຕ່ລະພາກ ພ້ອມມີລົມພັດແຮງເປັນບາໂອກາດ.
No comments:
Post a Comment