ກົມອຸຕຸນິຍົມ ແລະ
ອຸທົກກະສາດ
ໃຫ້ຮູ້ວ່າ: ນັບແຕ່ວັນທີ
28-31 ມັງກອນນີ້, ມວນອາກາດໜາວ ຈະມີກຳລັງອ່ອນລົງເລັກຫນ້ອຍ ສົມທົບກັບສອງກະແສລົມຕາເວັນອອກ-ຕາເວັນອອກສ່ຽງເໜືອ ແລະ ຕາເວັນອອກສ່ຽງໃຕ້ພັດປົກຄຸມ, ເຊິ່ງຈະເຮັດໃຫ້ອຸນຫະພູມອາກາດອຸ່ນຂຶ້ນໃນແຕ່ລະພາກ, ແຕ່ອາກາດຍັງຈະໜາວຢູ່ບັນດາແຂວງພາກເໜືອດ້ານຕາເວັນອອກ, ແຂວງໄຊສົມບູນ ແລະ ເຂດພູພຽງບໍລະເວນປາກຊ່ອງ ແລະ ຈະມີຝົນຕົກກະຈາຍຢູ່ບາງທ້ອງຖິ່ນແຂວງພາກກາງ ແລະ ພາກໃຕ້.
ສະພາບອາກາດໃນໄລຍະນີ້, ຍັງຈະໜາວຫລາຍ ພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າຢູ່ແຕ່ລະ
ພາກ, ຈາກນັ້ນ ໄລຍະກາງຫາທ້າຍອາທິດ ອາກາດຈະອຸ່ນຂຶ້ນ 1-3 ອົງສາ ຢູ່ແຕ່ລະພາກສະເພາະແຂວງພາກເໜືອດ້ານຕາເວັນອອກ, ແຂວງໄຊສົມບູນ ແລະ ພູພຽງບໍລະເວນປາກຊ່ອງ ອາກາດຍັງຈະໜາວເຢັນ ພ້ອມມີໝອກໜາປົກຫຸ້ມຫ້ລາຍຂຶ້ນ ແລະ ໃນໄລຍະອາທິດນີ້ ຈະມີຝົນຕົກໃນລະດັບຄ່ອຍພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນໃນແຕ່ລະພາກ ຈຶ່ງເຕືອນໃຫ້ມີສະຕິລະມັດລະ ວັງເພື່ອສາມາດຮັບມືກັບການປ່ຽນແປງຂອງສະພາບດິນຟ້າອາກາດໄດ້.
No comments:
Post a Comment