ສະຫາຍ ປະສິດ ເວດວຽງໄຊ ເລຂາໜ່ວຍພັກ ບ້ານນາວາງ ທົ່ງ, ເມືອງໜອງບົກ ແຂວງຄຳມ່ວນ ໄດ້ລາຍງານໃນກອງປະຊຸມໃຫຍ່ ຄັ້ງທີ
X ຂອງພັກ, ເມື່ອຜ່ານມານີ້ວ່າ: ຈາກບ່ອນຫາຍາກຂາດເຂີນ ຍ້ອນບ້ານຂອງຕົນຍັງຂາດເງື່ອນໄຂການຜະລິດຄື:
ບໍ່ມີລະບົບຊົນລະປະທານ ປູກເຂົ້ານາແຊງບໍ່ໄດ້, ສ່ວນການຜະລິດເຂົ້ານາປີແມ່ນອີງໃສ່ນ້ຳຝົນເປັນຕົ້ນຕໍ ບາງປີກໍຖືກນ້ຳຖ້ວມ ຫລື
ແຫ້ງແລ້ງ, ເຂົ້າກິນບໍ່ພຽງພໍ, ແຕ່ພາຍຫລັງພັກ-ລັດຖະບານ
ໄດ້ມີນະໂຍບາຍກະຕຸກຊຸກຍູ້ການຜະລິດຂອງປະຊາຊົນ ເພື່ອແນໃສ່ເຮັດໃຫ້ເຂົາເຈົ້າມີລາຍຮັບ ແລະ ສາມາດຫລຸດພົ້ນອອກຈາກຄວາມທຸກຍາກໄດ້ເທື່ອລະກ້າວ ຈຶ່ງໄດ້ສຸມທຶນຮອນອັນມະຫາສານເຂົ້າໃນການກໍ່ສ້າງພື້ນຖານໂຄງລ່າງ, ໂດຍສະເພາະການກໍ່ສ້າງລະບົບຊົນລະປະທານ ຊ່ວຍໃຫ້ປະຊາຊົນສາມາດຜະລິດເຂົ້າໄດ້ທັງ 2 ລະດູ ແລະ ປູກພືດ, ສິນຄ້າອື່ນໆຢ່າງມີປະສິດທິຜົນ. ແຕ່ກໍຍັງບໍ່
ພຽງພໍ, ເພື່ອຈະສ້າງໃຫ້ບ້ານການເປັນບ້ານພັດທະນາຂອງແຂວງ. ດັ່ງນັ້ນຄະນະບ້ານ ແລະ ປະຊາຊົນຈຶ່ງໄດ້ພ້ອມກັນປຶກສາຫາລືຫລາຍຄັ້ງ ເພື່ອປ່ຽນແປງຈາກການຜະລິດແບບເກົ່າ ໄປສູ່ການນຳໃຊ້ກົນຈັກທົດແທນແຮງງານ ເພື່ອສາມາດຍົກສູງຄຸນນະພາບການຜະລິດໃຫ້ດີຂຶ້ນກວ່າເກົ່າ.
ຜ່ານການທົດລອງນຳໃຊ້ເຕັກນິກ ເຂົ້າໃນການປູກເຂົ້າຢູ່ບ້ານນາວາງທົ່ງນີ້, ຖ້າທຽບໃສ່ການປູກແບບທຳມະຊາດຄືດັ່ງໃນໄລຍະຜ່ານມາ ເຫັນວ່າມີຜົນດີກວ່າເກົ່າຫລາຍເປັນຕົ້ນ ສາມາດນຳໃຊ້ເນື້ອທີ່ດິນໄດ້ຢ່າງເຕັມສ່ວນຈາກການປັບປຸງນາໄຮ່ນານ້ອຍ ມາເປັນໄຮ່ນາກວ້າງຂວາງຂຶ້ນ ແລະ ສາມາດນຳໃຊ້ກົນຈັກໃຫຍ່ໄຖ-ຄາດຫລຸດຜ່ອນຕົ້ນທຶນ, ການກຽມດິນ ແລະ ປັກດຳໄວຂຶ້ນ, ການເກັບກ່ຽວແມ່ນສາມາດນຳໃຊ້ລົດກ່ຽວເຂົ້າທີ່ມີປະສິດທິພາບກວ່າ. ປັດຈຸບັນ ການຫັນໄປເປັນທັນສະໄໝນີ້ ຍັງໄດ້ຂະຫຍາຍໄປຫາເມືອງອື່ນໆພາຍໃນແຂວງຄຳມ່ວນ, ເຊິ່ງໃນລະດູການທີ່ຜ່ານມາ, ຄອບຄົວໜຶ່ງ ສາມາດທຳການຜະລິດໄດ້ໃນເນື້ອທີ່ຫລາຍເຖິງ
80 ເຮັກຕາ, ຜົນຜະລິດໄດ້ປະມານ 4 ໂຕນຕໍ່ເຮັກຕາ, ນາໄຮ່ໜຶ່ງໃຫຍ່ສຸດປະມານ 3 ເຮັກຕາ, ນ້ອຍສຸດ 1 ເຮັກຕາ ແລະ ປັດຈຸບັນພວມກ້າວເຂົ້າສູ່ການຜະລິດນາແຊງ ຄາດວ່າ: ຈະປັກດຳໃຫ້ໄດ້ຢ່າງໜ້ອຍ 120 ເຮັກຕາ.
ນອກຈາກນີ້, ບ້ານນາວາງທົ່ງຍັງຈະສືບຕໍ່ຫັນເອົາມະຕິ 10 ຂອງພັກ ແລະ ບັນດາມະຕິຄຳສັ່ງຕ່າງໆ ລົງໄປຈັດຕັ້ງປະຕິບັດຢູ່ທ້ອງຖິ່ນຮາກຖານໃຫ້ທົ່ວເຖິງ ແລະ ແທດເໝາະກັບຕົວຈິງ, ສືບຕໍ່ຊຸກຍູ້ ແລະ ສົ່ງເສີມການຜະລິດເປັນສິນຄ້າຂອງປະຊາຊົນຢ່າງແຂງແຮງ, ຕິດພັນກັບການຫັນເປັນທັນສະໄໝ
ແລະ ເອົາໃຈໃສ່ນຳໃຊ້ທ່າແຮງບົ່ມຊ້ອນທີ່ມີໃນແຂວງ ໃຫ້ມີຄວາມຍືນຍົງ.
ແຂວງຄຳມ່ວນຕັ້ງຢູ່ພາກກາງຂອງປະເທດ, ສ່ວນໃຫຍ່ເປັນເຂດທົ່ງພຽງ, ໃນນັ້ນມີເນື້ອທີ່ການຜະລິດກະສິກຳປະມານ 132.476 ເຮັກຕາ,
ກວມເອົາ 8,12% ຂອງເນື້ອທີ່ທົ່ວແຂວງ, ໂດຍສະເພາະ ບ້ານາວາງທົ່ງ, ທິເນື້ອທີ່ການຜະລິດນາປີ
ແລະ ນາແຊງ 375 ເຮັກຕາ, ປະຊາຊົນສ່ວນໃຫຍ່ຖືເອົາອາຊີບກະສິກຳ, ໂດຍສະເພາະການປູກເຂົ້າເປັນຕົ້ນຕໍ
No comments:
Post a Comment