 |
| ຂ່າວ-ພາບ : ຫນັງສືພິມ ປກສ |
ສານປະຊາຊົນຂັ້ນຕົ້ນນະຄອນຫຼວງວຽງຈັນໃຫ້ຮູ້ວ່າ: ໃນວັນທີ 6 ມັງກອນນີ້, ສານດັ່ງກ່າວໄດ້ຕັດສິນລົງໂທດ ທ້າວ
ຄຳມິງ
ອາຍຸ 34 ປີ, ຢູ່ບ້ານໂພນແກ້ວ ເມືອງນາຊາຍທອງ ນະຄອນຫຼວງວຽງຈັນໃຫ້ຈຳຄຸກ 14 ປີກັບ 6
ເດືອນ, ປັບໃໝ່ 2 ລ້ານກີບ, ພ້ອມທັງຊົດໃຊ້ເງິນໃຫ້ໂຈດທາງແພງຈຳນວນ 90
ລ້ານກວ່າກີບໃນຖານຄາດຕະກຳນາງ ໄມແກ້ວ (ເມຍເກົ່າ)ອາຍຸ 32 ປີ, ຢູຸ່ບ້ານດອນຕິ້ວ ເມືອງໄຊທານີ ນະຄອນຫຼວງວຽງຈັນ.
ທ້າວ
ຄຳມິງ ສາລະພາບວ່າ: ໃນເດືອນກຸມພາປີ
2015 ຕົນໄດ້ສ້າງຄອບຄົວກັບນາງໄມແກ້ວ (ຜູ້ຕາຍ) ແລະ ໄດ້ຢູ່ກິນນຳກັນມາເປັນເວລາ 5 ເດືອນແລ້ວໄດ້ຢ່າຮ້າງຍ້ອນຄວາມບໍ່ເຂົ້າໃຈເຊິ່ງກັນ
ແລະ ກັນ,
ແຕ່ທັງສອງຍັງມີການພົວພັນນຳກັນຢູ່, ຈົນຮອດວັນທີ 14 ກັນຍາ
2015 ກໍເກີດມີການຜິດຖຽງກັນອີກຍ້ອນຜົວເກົ່າຂອງນາງ ໄມແກ້ວ ໂທມາບອກໃຫ້ນາງ ໄມແກ້ວ ໄປຫາຈຶ່ງເຮັດໃຫ້ຈຳເລີຍເກີດຄວາມໂມໂຫແລ້ວລົງມືບີບຄໍນາງ ໄມແກ້ວ ຈົນເສຍຊີວິດຄາທີ່, ມາຮອດວັນທີ 16 ກັນຍາ
ຈຶ່ງຖືກເຈົ້າໜ້າທີ່ເມືອງໄຊທານີຈັບຕົວມາດຳເນີນຄະດີ. ຈຳເລີຍຍັງສາລະພາບອີກວ່າ: ຜ່ານມາເຄີຍກໍ່ເຫດຄາດຕະກຳເມຍຢູ່ປະເທດໄທ ແລະ
ຖືກສານຂອງປະເທດໄທຕັດສິນໃຫ້ຈຳຄຸກ 5 ປີແຕ່ສົ່ງມາປະຕິບັດໂທດຢູ່ລາວ, ຜ່ານການປະຕິບັດໂທດໄດ້ພຽງ 3 ປີກໍຖືກປ່ອຍຕົວໃນເຕົ້ນປີ 2014 ກ່ອນຈະມາກໍ່ເຫດໃນຄັ້ງນີ້.
No comments:
Post a Comment