ວັນທີ 7 ມັງກອນນີ້, ທ່ານ
Haji Emran bahar ເອກອັກຄະລັດຖະທູດ ບຣູໄນ
ດາຣູຊາລາມ ປະຈຳລາວ, ໄດ້ຕາງໜ້າໃຫ້ລັດຖະບານຂອງຕົນມອບເງິນຈຳນວນ 3 ແສນໂດລາສະຫະລັດ ໃຫ້ແກ່ກອງເລຂາອາຊຽນແຫ່ງຊາດລາວ, ເພື່ອສະໜັບສະໜູນໃຫ້ແກ່ລາວໃນການກະກຽມຄວາມພ້ອມດ້ານຕ່າງໆໃນການເປັນປະທານອາຊຽນປີ 2016 ນີ້, ຊຶ່ງພິທີມອບຮັບໄດ້ມີຂື້ນທີ່ນະຄອນຫຼວງວຽງຈັນ,ໂດຍທ່ານ
ສະເຫຼີມໄຊ
ກົມມະສິດ ລັດຖະມົນຕີຊ່ວຍວ່າການກະຊວງການຕ່າງປະເທດ, ທັງເປັນຫົວໜ້າອະນຸກຳມະການກອງເລຂາອາຊຽນເພື່ອກະກຽມ ແລະ
ດຳເນີນການເປັນປະທານອາຊຽນຂອງລາວເປັນຜູ້ຮັບ, ມີພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມນຳດ້ວຍ.
ໃນໂອກາດນີ້ທ່ານລັດຖະມົນຕີຊ່ວຍວ່າການກະຊວງການຕ່າງປະເທດໄດ້ສະແດງຄວາມຂອບໃຈຢ່າງເລິກເຊິ່ງຕໍ່ການສະໜັບສະໜູນດັ່ງກ່າວ
ແລະ ຕີລາຄາສູງຕໍ່ການຮ່ວມມືຊ່ວຍເຫຼືອເຊິ່ງກັນ ແລະ ກັນລະຫວ່າງລັດຖະບານລາວ-ບຣູໄນ, ຊຶ່ງເປັນການປະກອບສ່ວນສຳຄັນໃນການພັດທະນາເສດຖະກິດ-ສັງຄົມຂອງປະເທດໄດ້ເຕີບໃຫຍ່ເຂັ້ມແຂງ.
No comments:
Post a Comment