ໃນກອງປະຊຸມ ທ່ານ ສົມພັນ ແພງຄຳມີ
ຮອງປະທານສະພາແຫ່ງຊາດ ໄດ້ຂຶ້ນຜ່ານຮ່າງຂໍ້ກຳນົດກ່ຽວກັບການເຄື່ອນໄຫວວຽກງານຂອງຄະນະກຳມະການເລືອກຕັ້ງລະດັບຊາດ, ຮ່າງທິດທາງວຽກງານຂອງຄະນະກຳມະການດັ່ງກ່າວ ເພື່ອການເລືອກຕັ້ງສະມາຊິກສະພາແຫ່ງຊາດຊຸດທີ VIII ແລະ
ສະມາຊິກສະພາປະຊາຊົນຂັ້ນແຂວງ ແລະ ຮ່າງແຜນງົບປະມານຮັບໃຊ້ການເລືອກຕັ້ງຄັ້ງນີ້. ຜູ້ແທນໃນກອງປະຊຸມຍັງໄດ້ຄົ້ນຄວ້າ
ແລະ ປຶກສາຫາລືກ່ຽວກັບເອກກະສານທີ່ຈະຮັບໃຊ້ການຝຶກອົບຮົມໃນບັ້ນເລືອກຕັ້ງຊຸດທີ VIII ແລະ
ສະມາຊິກສະພາແຫ່ງຊາດຂັ້ນແຂວງ, ການແບ່ງຄວາມຮັບຜິດຊອບໃຫ້ກຳມະການຂອງຄະນະກຳມະການເລືອກຕັ້ງລະດັບຊາດ ແລະ ຄະນະປະຈຳ ແລະ ຜ່ານຮ່າງມະຕິຕົກລົງຂອງຄະນະກຳມະການເລືອກຕັ້ງລະດັບຊາດວ່າດ້ວຍການແຕ່ງຕັ້ງຜູ້ປະຈຳການ ແລະ
ບັນດາອະນຸກຳມະການຊ່ວຍວຽກຂອງຄະນະກຳມະການເລືອກຕັ້ງດັ່ງກ່າວ.
ຄະນະກຳມະການເລືອກຕັ້ງລະດັບຊາດຕົກລົງ:
ແຕ່ງຕັ້ງທ່ານນາງ ປານີ
ຢາທໍ່ຕູ້
ປະທານສະພາແຫ່ງຊາດ ເປັນຜູ້ປະຈຳການຄະນະກຳມະການເລືອກຕັ້ງລະດັບຊາດ ແລະ ໄດ້ແຕ່ງຕັ້ງອະນຸກຳມະການຊ່ວຍວຽກຂອງຄະນະກຳມະການເລືອກຕັ້ງລະດັບຊາດ ປະກອບມີ: ທ່ານ
ສົມພັນ ແພງຄຳມີ ຮອງປະທານສະພາແຫ່ງຊາດເປັນຫົວໜ້າ, ທ່ານ
ດຣ.
ສອນໄຊ ສີພັນດອນ ລັດຖະມົນຕີ
ຫົວໜ້າຫ້ອງວ່າການລັດຖະບານ ເປັນຮອງ ແລະ ແຕ່ງຕັ້ງທ່ານ ດຣ. ກຸແກ້ວ
ອັກຄະມົນຕີ ປະທານກຳມາທິການການຕ່າງປະເທດສະພາແຫ່ງຊາດ, ທ່ານ ດຣ. ອຸ່ນແກ້ວ
ວຸທິລາດ ຫົວໜ້າຄະນະເລຂາທິການສະພາແຫ່ງຊາດ, ທ່ານ ດຣ. ວິໄລວົງ
ບຸດດາຄຳ ຮອງຫົວໜ້າຫ້ອງວ່າການສະພາແຫ່ງຊາດ, ທ່ານ ພົງສະເໜ່ ຍຸຕິທຳ
ຮອງຫົວໜ້າຫ້ອງວ່າການສະພາແຫ່ງຊາດ ແລະ ທ່ານ
ສຸບັນ ສະວະບຸດ ຮອງຄະນະເລຂາທິການສະພາແຫ່ງຊາດ ເປັນກຳມະການ.
No comments:
Post a Comment