ງານເທດສະການອາຫານລາວປະຈຳປີ
2016 ໄດ້ໄຂຂຶ້ນຢ່າງເປັນທາງການໃນວັນທີ 28 ມັງກອນນີ້, ຢູ່ສ່ວນເຈົ້າອານຸວົງ, ເຂດແຄມຂອງນະຄອນຫຼວງວຽງຈັນ ໂດຍສະມາຄົມນັກທຸລະກິດແມ່ຍິງລາວ,ຊຶ່ງໄດ້ຮັບການສະໜັບສະໜູນຈາກບໍລິສັດຫ້າງຮ້ານຕ່າງໆເປັນຈຳນວນຫຼາຍ.
ທ່ານ
ນາງ ຈັນທະຈອນ ວົງໄຊ ປະທານສະມາຄົມນັກທຸລະກິດແມ່ຍິງລາວ, ທັງເປັນປະທານຈັດງານດັ່ງກ່າວມີຄຳເຫັນໃນພິທີວ່າ: ງານເທດສະການອາຫານລາວໄດ້ຮັບການຈັດຂຶ້ນທຸກໆປີນັບແຕ່ປີ
2006 ເປັນຕົ້ນມາ
ແລະ ປີນີ້ກໍເປັນປີທີ
11 ແລ້ວ, ຊຶ່ງຈະດຳເນີນໄປເປັນ
ເວລາ 3 ວັນນັບແຕ່ວັນທີ 28 - 30 ມັງກອນນີ້, ຊຶ່ງນອກຈາກການວາງສະແດງ ແລະ ຂາຍອາຫານແລ້ວທຸກຄ່ຳຄືນຈະມີການສະແດງສິລະປະວັນນະຄະດີໃຫ້ຜູ້ທີ່ມີທ່ຽວງານໄດ້ເບິ່ງໄດ້ຊົມ ແລະ ເປັນການໃຫ້ມວນຊົນລາວຮູ້ຈັກສະຫງວນຮັກ ແລະ ສົ່ງເສີມຮີດຄອງປະເພນີ ແລະ ວັດທະນະທຳທາງດ້ານອາຫານການກິນ ແລະ ການນຸ່ງຖືໄວ້ໃຫ້ຍືນຍົງ, ທັງເປັນການສ້າງໂອກາດໃຫ້ແມ່ຍິງຜູ້ປະກອບການໃນຂະແໜງການປຸງແຕ່ງອາຫານຢູ່ທ້ອງຖິ່ນ, ຕ່າງໆໄດ້ເຂົ້າມາຮ່ວມວາງສະແດງ ແລະ ຂາຍຜະລິດຕະພັນຂອງຕົນ, ສ້າງໂອກາດໃຫ້ແມ່ຍິງໄດ້ສະແດງອອກຄວາມສາມາດບົ່ມຊ້ອນ, ຫົວຄິດປະດິດສ້າງ
ແລະ ສະຕິປັນ ຍາຂອງຕົນໃນການປຸງແຕ່ງອາຫານ, ພ້ອມທັງເປັນໂອກາດ ແລະ ເງື່ອນໄຂໃຫ້ເຂົາເຈົ້າໄດ້ແລກປ່ຽນບົດຮຽນ, ປະສົບການ, ຮູ້ຈັກປັບປຸງຜົນການຜະລິດ ແລະ ຕອບສະໜອງໄດ້ຕາມຄວາມຕ້ອງການຂອງຕະຫຼາດ,
ໃຫ້ແມ່ຍິ່ງສາມາດປະກອບສ່ວນໃນການຜະລິດເປັນສິນຄ້າ ແລະ ສ້າງລາຍຮັບເຂ້າຄອບຄົວນັບມື້ຫຼາຍຂຶ້ນ.
ທ່ານປະທານສະມາຄົມນັກທຸລະກິດແມ່ຍິງກ່າວວ່າ: ເທດສະການອາຫານລາວປີນີ້ໄດ້ມີຮ້ານວາງສະແດງ ແລະ ຂາຍອາຫານເຄື່ອງດື່ມ, ສະໝຸນໄພ ແລະ ເຄື່ອງຫັດຖະກຳຈາກພາຍໃນ
ແລະ ຕ່າງປະເທດເຂົ້າຮ່ວມ 160 ກວ່າຮ້ານ, ທຽບໃສ່ປີຜ່ານມາເພີ່ມຂຶ້ນ 40 ກວ່າຮ້ານ, ໃນນັ້ນ 150 ຮ້ານແມ່ນມາຈາກທ້ອງຖິ່ນຕ່າງໆ, ນອກນັ້ນແມ່ນມາຈາກປະເທດໃກ້ຄຽງ, ພາຍໃນງານຍັງມີການຈັດສຳມະນາໃຫ້ຄວາມຮູ້ກ່ຽວກັບການປຸງແຕ່ງອາຫານປະເພດຕ່າງໆອີກດ້ວຍ.
No comments:
Post a Comment