ເຊົ້າວັນທີ 29 ມັງກອນນີ້ຜ່ານມາ, ຢູ່ເມືອງບໍລິຄັນ
ແຂວງບໍລິຄຳໄຊ ໄດ້ເກີດເຫດລົດເຄນຂະໜາດນ້ອຍ ໝາຍເລກທະ ບຽນ ບກ 8937
ເສຍຫລັກປິ້ນລົງເຫວເລິກຫລາຍແມັດ, ເຮັດໃຫ້ຜູ້ທີ່ນັ່ງມາໃນລົດ
2 ຄົນ ເສຍຊີວິດຄາທີ່.
ເຈົ້າໜ້າທີ່ ໃຫ້ຮູ້ວ່າ:
ເຫດການດັ່ງກ່າວເກີດຂຶ້ນໃນຂະນະລົດຄັນດັ່ງກ່າວ
ຮີບ ຮ້ອນໄປຊ່ວຍເຫລືອລົດວີໂກ້ທີ່ປິ້ນຢູ່ເຂດບ້ານໂພນທອງ, ບວກໃສ່ສະພາບອາກາດມີໝອກໜາເຮັດໃຫ້ການເບິ່ງເຫັນເສັ້ນທາງໄດ້ຢາກສົ່ງຜົນໃຫ້ລົດເສຍຫລັກປິ້ນລົງເຫວຂ້າງທາງ
ຢູ່ບໍລິເວນພູແດນເມືອງ.
ຂະນະດຽວກັນ ທ່ຽງຄືນຂອງວັນທີ 26 ມັງກອນ, ຢູ່ເຂດບ້ານໜອງດ້ວງ
ເມືອງສີໂຄດຕະບອງ ນະຄອນຫລວງວຽງຈັນ, ໄດ້ເກີດອຸປະຕິເຫດລົດຕຸກໆໝາຍເລກທະບຽນ
ສກ 0884 ກຳແພງນະຄອນ ເສຍຫລັກປິ້ນເອງເຮັດໃຫ້ຜູ້ໂດຍສານທີ່ນັ່ງມານຳ ຊື່ທ້າວ ມີຊາ ເຮດຟີ
ອາຍຸ 23 ປີ, ເປັນນັກທ່ອງທ່ຽວຊາວຕ່າງຊາດເສຍຊີວິດຄາທີ່.
ເຈົ້າໜ້າທີ່ເຕືອນວ່າ: ປັດຈຸບັນຍັງຢູ່ໃນລະດູໜາວ, ຊຶ່ງບາງທ້ອງຖິ່ນອາດມີໝອກໜາປົກຄຸມທຸກເຮັດໃຫ້ການເບິ່ງເຫັນເສັ້ນທາງໄດ້ຢາກ.
ດັ່ງນັ້ນ ຈຶ່ງຂໍເຕືອນມາຍັງຜູ້ໃຊ້ລົດໃຊ້ຖະໜົນຈົ່ງມີສະຕິໃນການຂັບຂີ່, ຫລຸດຜ່ອນຄວາມໄວ ແລະ ປະຕິບັດກົດລະບຽບຈະລາຈອນໃຫ້ເຂັ້ມງວດກວ່າເກົ່າ.
No comments:
Post a Comment