ສານປະຊາຊົນຂັ້ນຕົ້ນນະຄອນຫຼວງວຽງຈັນໃຫ້ຮູ້ວ່າ: ໃນວັນທີ 19 ມັງກອນນີ້, ສານນະຄອນຫຼວງໄດ້ຕັດສິນຄະດີຄ້າຂາຍຢາເສບຕິດທີ່ເຈົ້າໜ້າທີ່ ປກສ ເມືອງນາຊາຍທອງມ້າງໄດ້ເມື່ອຕົ້ນເດືອນ ກໍລະກົດ
2015 ຜ່ານມາ, ຊຶ່ງມີຜູ້ຖືກຫາຄື:
ທ້າວ ບຸນເຮັງ ອາຍຸ
33 ປີ,
ນາງ ນິລະມົນ
ອາຍຸ
37 ປີ, ທ້າວ ຮອນດາ ອາຍຸ
25 ປີ
ແລະ ທ້າວ
ທອງມະນີ ອາຍຸ
23 ປີ,
ທັງ 4 ຄົນຢູ່ບ້ານ ອີໄລໃຕ້, ເມືອງນາຊາຍທອງ ນະຄອນຫຼວງວຽງຈັນ, ຈຶ່ງໄດ້ສັງຕັດສິນລົງໂທດຜູ້ກະທຳຜິດດັ່ງກ່າວຈຳຄຸກເປັນເວລາ 5 ປີ, ພ້ອມປັບໃໝ່ 10 ລ້ານກີບ, ສ່ວນທ້າວ ບຸນເຮັງ ໃຫ້ຈຳຄຸກເປັນເວລາ 6 ປີ, ພ້ອມປັບໃໝ່ 28 ລ້ານກີບ, ໃນສະຖານຄ້າຂາຍຢາເສບຕິດ(ຢາບ້າ). ທ້າວ
ບຸນເຮັງ, ນາງ ນິລະມົນ
ແລະ ທ້າວ
ຮອນດາໄດ້ຮ່ວມກັນຄ້າຂ້າຢາບ້າມາແຕ່ຕົ້ນປີ 2015,ໂດຍໄດ້ຊື້ຢາບ້າຈາກຜູ້ຮ່ວມຂະບວນການຄັ້ງລະ
100-150 ເມັດ, ແລ້ວນຳມາຂາຍໃຫ້ໄວລຸ່ນໃນບໍລິເວນບ້ານດັ່ງກ່າວຈົນມາຮອດວັນທີ
1 ກໍລະກົດ 2015 ຈຶ່ງຖືກເຈົ້າໜ້າທີ່ ປກສ ເມືອງນາຊາຍທອງຈັບຕົວ, ພ້ອມຂອງກາງຢາບ້າຢູ່ໃນຄອບຄອງຈຳນວນ 170 ເມັດ. ສຳລັບທ້າວ ທອງມະນີ ກໍໄດ້ມີການພົວພັນຊື້-ຂາຍຢາບ້າມານຳກັນແລ້ວຫຼາຍຄັ້ງຄື: ຄັ້ງຫຼ້າສຸດແມ່ນໃນວັນທີ 5 ພຶດສະພາ 2015 ຈຳເລີຍໄດ້ນຳຢາບ້າຈຳນວນ 100 ເມັດ ໄປຂາຍໃຫ້ໄວລຸ່ນພາຍໃນບ້ານອີໄລກ່ອນຖືກເຈົ້າໜ້າທີກັກຕົວມາດຳເນີນຄະດີ.
No comments:
Post a Comment