ສະຫາຍ ທອງສິງ ທໍາມະວົງ ກໍາມະການກົມການເມືອງສູນກາງພັກ, ນາຍົກລັດຖະມົນຕີ, ໄດ້ລາຍງານຕໍ່ກອງປະຊຸມໃຫຍ່ຄັ້ງທີ 10 ຂອງພັກເມື່ອບໍ່ດົນນີ້ກ່ຽວກັບແຜນ ພັດທະນາເສດຖະກິດ-ສັງຄົມ 5 ປີຄັ້ງທີ VIII
(2016-2020) ວ່າ: ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໃນໄລຍະດັ່ງກ່າວ, ແມ່ນຕ້ອງຮັບປະກັນໃຫ້ລວມຍອດຜະລິດຕະພັນພາຍໃນ
(GDP) ຂະຫຍາຍຕົວສະເລ່ຍລະດັບ 7,5% ຕໍ່ປີ, ໃນນີ້ຂະແໜງກະສິກໍາ-ປ່າໄມ້ກວມປະມານ 19%, ອຸດສະຫະກໍາກວມປະ ມານ 32% ແລະ ບໍລິການກວມປະມານ 41% ຂອງ GDP ແລະ ສະເລ່ຍລາຍຮັບປະມານ 3.190 ໂດລາສະຫະລັດຕໍ່ຄົນຕໍ່ປີ, ຄາດຄະເນລາຍຮັບງົບປະມານແຕ່ລະປີໃຫ້ໄດ້ປະມານ 23-25 % ສ່ວນລາຍຈ່າຍແມ່ນບໍ່ໃຫ້ເກີນ 28% ຂອງ GDP, ຂະນະດຽວກັນລັດຖະບານໄດ້ວາງນະໂຍບາຍ, ກໍານົດກົນໄກ
ແລະ ມາດຕະການ ເພື່ອຈັດຕັ້ງປະຕິບັດແຜນດັ່ງກ່າວ ໃຫ້ບັນລຸເປົ້າໝາຍວາງໄວ້ຄື: ຕ້ອງຫັນປ່ຽນຮູບແບບການພັດທະນາເສ
ດຖະກິດຈາກທາງກວ້າງໄປສູ່ທາງເລິກ, ໂດຍຍົກສູງປະສິດທິຜົນການຜະລິດ, ການລົງທຶນ, ການນໍາໃຊ້ຊັບພະຍາກອນທໍາມະຊາດຢ່າງເໝາະສົມ, ສົ່ງເສີມການປະດິດສ້າງ ແລະ ການນໍາໃຊ້ວິທະຍາການໃໝ່ທີ່ເປັນມິດກັບສິ່ງແວດລ້ອມ ແລະ ສັງຄົມ, ເອົາໃຈໃສ່ດຸ່ນດ່ຽງລະຫວ່າງການລົງທຶນ, ການຂະຫຍາຍຕົວ, ລະຫວ່າງເສດຖະກິດກັບສັງຄົມ
ແລະ ສິ່ງແວດລ້ອມ, ລະຫວ່າງການສະໜອງກັບຄວາມຕ້ອງການທຶນ ແລະ ແຮງງານອື່ນໆ.
ນອກຈາກນີ້, ຕ້ອງສືບຕໍ່ປະຕິບັດນະໂຍບາຍ 3 ສ້າງໃຫ້ເຂົ້າສູ່ລວງເລິກ, ຊຸກຍູ້ການປະຕິບັດນະໂຍບາຍການຜະລິດເປັນສີນຄ້າ ແລະ ບໍລິການ, ນະໂຍບາຍພັດທະນາຊັບພະຍາກອນມະນຸດ ແລະ ອື່ນໆ,ຊຸກຍູ້ສົ່ງເສີມວິສາຫະກິດຂະໜາດນ້ອຍ ແລະ ກາງ, ປັບປຸງລະບົບເສດຖະກິດຂອງລັດ ແລະ ເສດຖະກິດຮ່ວມມືກັບປະຊາຊົນໃຫ້ມີຄວາມເຂັ້ມແຂງເພື່ອພັດທະນາປະເທດຊາດໃຫ້ຈະເລີນວັດທະນາ. ພ້ອມດຽວກັນນັ້ນກໍສ້າງປະຖົມປັດໄຈດ້ານທຶນຮອນ, ວັດຖຸ-ເຕັກນິກ
ແລະ ວິທະຍາສາດ, ຂໍ້ມູນຂ່າວສານ, ບຸກຄະລາກອນ, ຜູ້ປະກອບການ ແລະ ກໍາລັງແຮງງານ ເພື່ອຮອງຮັບການພັດທະນາຕາມແຜນການກໍານົດໄວ້, ຂະນະດຽວກັນກໍເລັ່ງລັດດໍາເນີນໂຄງການຂະໜາດໃຫຍ່ທາງດ້ານການຜະລິດ ແລະ ພື້ນຖານໂຄງລ່າງ ເຊັ່ນ: ໂຄງການດ້ານພະລັງງານ, ທາງລົດໄຟ, ທາງດ່ວນ, ສະໜາມບິນ,
ລະບົບການບໍລິການຂົນສົ່ງ ແລະ ຄ່ຽນຖ່າຍສີນຄ້າ ແລະ ອື່ນໆ
ເພື່ອຊຸກຍູ້ການເຕີບໂຕຂອງເສດຖະ ກິດ ແລະ ເປັນພື້ນຖານໃຫ້ແກ່ການຫັນເປັນອຸດສະຫະກໍາ ແລະ ທັນສະໄໝ ກໍຄືການເຊື່ອມຈອດກັບພາກພື້ນ ແລະ ສາກົນ, ທັງເປັນພື້ນຖານໃຫ້ປະເທດຫລຸດພົ້ນອອກຈາກສະຖານະພາບຄວາມດ້ອຍພັດທະນາໃນປີ
2020 ແລະ ກ້າວໄປສູ່ປະເທດກໍາລັງພັດທະນາທີ່ມີລາຍຮັບປານກາງສູງຕາມທິດການພັດທະນາສີຂຽວ ແລະ ຍືນຍົງເມື່ອເຖິງປີ 2030.
No comments:
Post a Comment