ຕະຫຼາດຕ່າງໆໃນນະຄອນຫຼວງວຽງຈັນຈະຮັບປະກັນການສະໜອງສິນຄ້າໃນໄລຍະປີໃໝ່ຊາວຫວຽນາມ-ຊາວຈີນໃຫ້ພຽງພໍ

ວັນທີ 25 ມັງກອນນີ້ນັກຂ່າວໜັງສືພິມລາວພັດທະນາຂອງພວກເຮົາໄດ້ລົງຕິດຕາມສະພາບການຈຳໜ່າຍສິນຄ້າຢູ່ຕະຫຼາດຕ່າງໆໃນນະຄອນຫຼວງວຽງຈັນເຊັ່ນ: ຕະຫຼາດຂົວດິນ, ຕະຫຼາດສະ ຫວ່າງ, ຕະຫຼາດຫ້ວຍຫົງ, ຕະຫຼາດສະພານທອງ ແລະ ຕະຫຼາດອື່ນໂດຍລວມແລ້ວເຫັນວ່າ: ຊາວຄ້າຂ່າຍໃນຕະຫຼາດໃຫຍ່ດັ່ງກ່າວໄດ້ມີຄວາມພ້ອມໃນການຕອບສະໜອງສິນຄ້າອຸປະໂພກ, ບໍລິໂພກປະເພດຊີ້ນ,ປາ, ເຂົ້າ ແລະ ພືດຜັກຕ່າງໆໃນໄລຍະປີໃໝ່ຂອງຊາວຫວຽດນາມ-ຊາວຈີນ (ກຸດ) ໃຫ້ມີຄວາມພຽງພໍ ແລະ ຮັບປະກັນບໍ່ໃຫ້ມີການຂຶ້ນລາຄາສິນຄ້າໂດຍລຳພັງ, ຄະນະດຽວກັນຊາວຄ້າຂາຍຫຼາຍຄົນກ່າວວ່າ: ການ

ຊີ້-ຂາຍສິນຄ້າຢູ່ຕາມທ້ອງຖະຫຼາດຄາດວ່າຈະເລີ່ມຄື້ນຂື້ນໃນຕົ້ນເດືອນກຸມພາເປັນຕົ້ນໄປ, ຂະນະທີ່ປັດຈຸບັນລາຄາສິນຄ້າປະເພດຊີ້ນ, ປາຕ່າງໆແມ່ນຍັງຢູ່ໃນເກນປົກກະຕິເຊັ່ນ: ຊິ້ນງົວລາຄາ 70-15 ພັນກີບ/ກິໂລ, ຊີ້ນໝູ 30-40 ພັນກີບ/ກິໂລ, ປັດໄກ 45-50 ພັນກີບ/ກິໂລ, ປາກະຊັງ 15- 18 ພັນກີບ/ ກິໂລ ແລະ ພືດ, ຜັກຕ່າງໆລາຄາກໍຍັງຢູ່ໃນເກນປົກກະຕິ, ຄາດວ່າໃນ 5-6 ມື້ຕໍ່ໜ້າລາຄາສິນຄ້າບາງປະເພດອາດຈະມີການເໜັງຕີງເພີ່ມຂຶ້ນ, ດັ່ງທີ່ເຄີຍເປັນມາໃນແຕ່ລະປີເຊັ່ນ: ລາຄາເຂົ້າສານ, ຊີ້ນ, ປາ ແລະ ພືດຜັກຕ່າງໆກໍອາດມີລາຄາແພງຂຶ້ນ, ຖ້າພາກສ່ວນກ່ຽວຂ້ອງບໍ່ມີການຄວບຄຸມທີ່ດີ, ດັ່ງນັ້ນ ຈຶ່ງສະເໜີໃຫ້ພາກສ່ວນກ່ຽວຂ້ອງສົ່ງພະນັກງານລົງກວດກາເປັນປະຈຳຢູ່ຕາມຕະຫຼາດຕ່າງໆເພື່ອບໍ່ໃຫ້ມີການສວຍໂອກາດຂຶ້ນລາຄາສິນຄ້າແມ່ນຈະເປັນການດີທີ່ສຸດ.