ກະຊວງແຮງງານ ແລະ ສະຫວັດດີການສັງຄົມຍ້ອງຍໍ ກົມກອງ ແລະ ບຸກຄົນດີເດັ່ນ

ໃນວັນທີ 26 ມັງກອນນີ້, ກະຊວງແຮງງານ ແລະ ສະຫວັດດີການສັງຄົມ, ໄດ້ຈັດພິທີມອບການຍ້ອງຍໍໃຫ້ກົມກອງ, ບຸກຄົນ ແລະ ຄອບຄົວທີ່ມີຜົນງານດີເດັ່ນໃນການປະກອບສ່ວນເຂົ້າໃນວຽກງານແຮງງານ ແລະ ສະຫວັດດີການສັງຄົມໃນປີ 2015 ຜ່ານມາຂຶ້ນທີ່ກະຊວງຂອງຕົນ, ໂດຍທ່ານ ດຣ ຄໍາແພງ ໄຊສົມແພງ ລັດຖະມົນຕີວ່າການກະຊວງແຮງງານ ແລະ ສະຫວັດດີການສັງຄົມເຂົ້າຮ່ວມ ແລະ ໃຫ້ກຽດມອບການຍ້ອງຍໍດັ່ງກ່າວ.

ທ່ານຫົວໜ້າກົມຈັດຕັ້ງ-ພະນັກງານກະຊວງດັ່ງກ່າວໃຫ້ຮູ້ວ່າ: ທັງນີ້ກໍເພື່ອເປັນການຍ້ອງຍໍ

ສັນລະເສີນຕໍ່ພະນັກງານ-ລັດຖະກອນຜູ້ທີ່ມີຄວາມຫ້າວຫັນໃນການປະຕິບັດໜ້າທີ່ການເມືອງຂອງຕົນ ແລະ ການປະກອບສ່ວນທຶນຮອນ, ສະຕິປັນຍາເຂົ້າໃນວຽກງານແຮງງານ ແລະ ສະຫວັດດີການສັງຄົມ, ເຊິ່ງປະກອບມີບຸກຄົນດີເດັ່ນທີ່ໄດ້ຮັບການຍ້ອງຍໍຂັ້ນກະຊວງປະເພດ I ມີ 262 ຄົນ, ປະເພດ II ມີ 136 ຄົນ, ກົມກອງດີເດັ່ນປະເພດ I ມີ 14 ກົມກອງ, ປະເພດ II ມີ 1 ກົມກອງ, ຄອບຄົວດີເດັ່ນປະເພດ I ມີ 27 ຄອບຄົວ, ປະເພດ II ມີ 39 ຄອບຄົວ ແລະ ປະເພດ III ມີ 22 ຄອບຄົວ.