ລັດຖະມົນຕີຕ່າງປະເທດອາເມລິກາເຫັນວ່າຊາວໜຸ່ມຄືຄວາມຫວັງຂອງການພັດທະນາ

ໃນໂອກາດເດີນທາງມາເຄື່ອນໄຫວຢ້ຽມຢາມ ສປປ ລາວ ຂອງທ່ານລັດຖະມົນຕີວ່າການກະຊວງການຕ່າງປະເທດສະຫະລັດອາເມລິກາ ຈອນ ເຄຣີ ລະຫວ່າງວັນທີ 24-25 ມັງກອນ 2016 ນີ້, ເຊິ່ງທ່ານໄດ້ເຂົ້າຢ້ຽມຂໍ່ານັບການນໍາຂັ້ນສູງູຂອງລາວຄື: ທ່ານນາຍົກລັດຖະມົນຕີ ທອງສິງ ທໍາມະວົງ ແລະ ພົບປະກັບທ່ານຮອງນາຍົກລັດຖະມົນ, ລັດຖະມົນຕີວ່າການກະຊວງການຕ່າງປະເທດລາວ ທອງລຸນ ສີສຸລິດ ເພື່ອເສີມຂະຫຍາຍການພົວພັນຮ່ວມມືສອງຝ່າຍລະຫວ່າງລາວ-ອາເມລິກາໃຫ້ແໜ້ນແຟ້ນຂຶ້ນ, ພ້ອມທັງເປັນການຢັ້ງຢືນໃຫ້ເຫັນການສະໜັບສະໜູນຢ່າງແຂງແຮງຂອງສະຫະ ລັດອາເມລິກາຕໍ່ການເປັນ

ປະທານອາຊຽນຂອງ ສປປ ລາວ ໃນປີນີ້ ແລະ ໃນໂອກາດນີ້, ທ່ານລັດຖະ ມົນຕີຕ່າງປະເທດອາເມລິກາຍັງໄດ້ໃຫ້ກຽດໂອ້ລົມສົນທະນາແບບເປັນກັນເອງກັບບັນດາອາດີດຊາວໜຸ່ມລາວຈໍານວນໜຶ່ງທີ່ເຄີຍເຂົ້າຮ່ວມໂຄງການແລກປ່ຽນເພື່ອເສີມສ້າງການພັດທະນາທັກສະຄວາມເປັນຜູ້ນໍາ ແລະ ການສ້າງເຄືອຂ່າຍໃນຂົງເຂດອາຊີຕາເວັນອອກສ່ຽງໃຕ້ (YSEALI) ໂດຍສະເພາະກໍແມ່ນເສີມຂະຫຍາຍສາຍພົວພັນລະຫວ່າງອາເມລິກາ ແລະ ອາຊຽນໂດຍຜ່ານຫລາຍໆກິດຈະກໍາແລກປ່ຽນທາງດ້ານການສຶກສາ, ວັດທະນະທໍາ ແລະ ອື່ນໆ, ໂດຍແມ່ນປະທານາທິບໍດີສະຫະລັດອາ ເມລິກາ ບາຣັກ ໂອບາມາ ເປັນຜູ້ສ້າງຕັ້ງຂຶ້ນໃນປີ 2013 ແລະ ໃນການສົນທະນາເທື່ອນີ້, ທ່ານ ຈອນ ເຄຣີ ໄດ້ເນັ້ນເຖິງຄວາມໝາຍໝັ້ນຂອງສະຫະລັດອາເມລິກາໃນການຊ່ວຍເຫລືອບັນດາປະເທດໃນຂົງເຂດແມ່ນໍ້າຂອງເພື່ອການພັດທະນາທີ່ຍືນຍົງ, ພ້ອມທັງກ່າວຢໍ້າວ່າຊາວໜຸ່ມແມ່ນອານາຄົດ ແລະ ຄວາມຫວັງຂອງການພັດທະນາຂອງທຸກປະເທດໃນໂລກກໍຄືອາຊຽນ.