ລາວປັບລາຄານໍ້າມັນລົງຫລາຍຮ້ອຍກີບຕໍ່ລິດ

           ກະຊວງອຸດສະຫະກໍາ ແລະ ການຄ້າ,ໄດ້ແຈ້ງການໃຫ້ສະຖານີບໍລິການນໍ້າມັນທົ່ວປະເທດປັບລາຄານໍ້າມັນທຸກປະເພດລົງຫລາຍຮ້ອຍກີບຕໍ່ລິດ, ພາຍຫລັງລາຄານໍ້າມັນໃນຕະຫລາດໂລກໄດ້ຫລຸດລົງ, ຊຶ່ງຖືວ່າເປັນການປັບລາຄານໍ້າມັນລົງເປັນຄັ້ງທີສອງໃນເດືອນມັງກອນນີ້ ແລະ ເຮັດໃຫ້ນໍ້າມັນແອັດຊັງພິເສດຈາກລາຄາ 8.160 ກີບເຫລືອພຽງ 7.970 ກີບ, ແອັດຊັງທໍາມະດາຈາກ 7.130 ກີບເຫລືອພຽງ 6.970 ກີບ , ກາຊວນຈາກ 5.750 ກີບເຫລືອພຽງ 5.600 ກີບຕໍ່ລິດຢູນະຄອນ ຫລວງວຽງຈັນ, ສ່ວນຢູ່ແຂວງຄໍາມ່ວນ ແລະ ສະຫວັນນະເຂດ ແອັດຊັງພິເສດຫລຸດລົງມາຢູ່ທີ່ລາຄາ 8.000

ກີບ, ແອັດຊັງທໍາມະດາມີລາຄາ 7.160 ກີບ ແລະ ກາຊວນແມ່ນ 5.630 ກີບຕໍ່ລິດ,ນອກ ຈາກນີ້ຢູ່ແຂວງຈໍາປາສັກແອັດຊັງພິ້ເສດມີລາຄາ 8.030 ກີບ, ແອັດຊັງທໍາມະດາ 7.030 ກີບ ແລະ ກາຊວນມີລາຄາ 5.660 ກີບຕໍ່ລິດ, ແຂວງບໍ່ແກ້ວແອັດຊັງພິເສດ 8.070 ກີບ, ແອັດຊັງທໍາມະດາ 7.030 ກີບ ແລະ ກາຊວນ 5.700 ກີບຕໍ່ລິດ ແລະ ແຂວງຊຽງຂວາງແອັດຊັງທໍາມະດາ 7.160 ກີບ ແລະ ກາຊວນ 5.790 ກີບຕໍ່ລິດ, ສ່ວນແຂວງອື່ນໆກໍໄດ້ປັບລາຄາລົງເຊັ່ນດຽວກັນ.