ໃນກອງປະຊຸມໜ່ວຍງານຜູ້ຊົງຄຸນວຸດທິ ອາຊຽນ-ຣັດເຊຍ ຄັ້ງທີ
1 ໄດ້ຈັດຂຶ້ນໃນວັນທີ 19 ມັງ ກອນນີ້, ຢູ່ນະຄອນຫລວງວຽງຈັນ ເຊິ່ງຈະດຳເນີນໄປເປັນເວລາສອງວັນ
(19-20/1/2016), ເພື່ອພ້ອມກັນທົບທວນຄືນການຮ່ວມມື ລະຫວ່າງສອງຝ່າຍໃນໄລຍະ 20 ປີຜ່ານມາ (1996-2016)
ພ້ອມປຶກສາຫາລື ເພື່ອຮ່າງບົດລາຍງານຂອງໜ່ວຍງານຜູ້ຊົງຄຸນວຸດທິ ອາຊຽນ-ຣັດເຊຍ ເພື່ອຄົ້ນ ຄວ້າບັນດາຂໍ້ລິເລີ່ມໃໝ່ ແລະ ຂໍ້ສະເໜີແນະຕ່າງໆ ເພື່ອເປັນທິດທາງໃຫ້ແກ່ການເສີມຂະຫຍາຍການພົວພັນ ແລະ ຮ່ວມມືລະຫວ່າງ ອາຊຽນ-ຣັດເຊຍ ໃຫ້ກ້າວຂຶ້ນສູ່ລະດັບໃໝ່ໃນອະນາຄົດ, ຄາດວ່າຈະນຳສະເໜີໃຫ້ບັນດາຜູ້ນຳອາຊຽນ-ຣັດເຊຍ ພິຈາລະນາຮັບຮອງເອົາໃນໂອກາດກອງປະຊຸມສຸດຍອດສະເຫລີມ ສະຫລອງການຮ່ວມມືອາຊຽນ-ຣັດເຊຍ ຄົບຮອບ
20 ປີ
ໃນວັນທີ 19-20 ພຶດສະພາ ທີ່ຈະມາເຖິງນີ້ ຢູ່ໂຊຈິ
(ຣັດເຊຍ).
ກອງປະຊຸມຄັ້ງນີ້ ຝ່າຍລາວມີທ່ານ ອາລຸນແກ້ວ ກິດຕິຄຸນ ລັດຖະມົນຕີວ່າການກະຊວງການຕ່າງປະເທດ, ຫົວໜ້າເຈົ້າໜ້າທີ່ອາວຸໂສອາຊຽນຂອງ ສປປ
ລາວ, ທ່ານ ອາເລັກຊານເດີ ເອອີວານນອບ (Alexander
A.lvannov), ທູດປະຈຳກະຊວງການຕ່າງປະເທດຂອງຣັດເຊຍ, ຜູ້ຊົງຄຸນວຸດທິຂອງຣັດເຊຍ ແລະ ບັນດາຜູ້ຊົງຄຸນວຸດທິ ຈາກບັນດາປະເທດອາຊຽນ ແລະ ກອງເລຂາອາຊຽນເຂົ້າຮ່ວມນຳດ້ວຍ.
No comments:
Post a Comment