ທ່ານຫົວໜ້າຫ່ວຍງານສັດຕະວະແພດນະຄອນຫຼວງວຽງຈັນໄດ້ແຈ້ງຕໍ່ນັກຂ່າວພວກເຮົາໃນວັນທີ 28 ມັງກອນນີ້ວ່າ: ນັບແຕ່ເດືອນພະຈິກ 2015 ເປັນຕົ້ນມາໄດ້ເກີດມີສະພາບລະບາດຂອງພະຍາດປາກເປື່ອຍລົງເລັບສັດຢູ່ 11 ບ້ານຂອງເມືອງສັງທອງ ແລະ 10 ບ້ານຂອງເມື່ອງປາກງື່ມ, ມາຮອດປັດຈຸບັນງົວ, ຄວາຍ, ແບ້
ແລະ ໝູຕິດເຊື້ອພະຍາດດັ່ງກ່າວແລ້ວຫຼາຍກວ່າ 3 ພັນໂຕ, ໃນນັ້ນຢູ່ມືອງສັງທອງມີ 2 ພັນກວ່າໂຕ,
ເມືອງປາກງື່ມ 1 ພັນກວ່າໂຕ, ຊຶ່ງຜ່ານການລົງກວດກາຂອງພາກສ່ວນກ່ຽວຂ້ອງຄາດວ່າການລະບາດຂອງພະຍາດສັດດັ່ງກ່າວອາດເກີດມາຈາກການເຄື່ອນຍ້າຍສັດ, ຜະລິດຕະພັນສັດ ຫຼື
ຜະລິດຕະພັນພືດທີ່ມີເຊື້ອພະຍາດຈາກຕ່າງປະເທດເຂົ້າມາເຂດທີ່ມີການລະບາດດັ່ງກ່າວ, ຍ້ອນວ່າສາຍພັນຂອງພະຍາດປາກເປື່ອຍລົງເລັບທີ່ສະບາດໃນຄັ້ງນີ້ເປັນສາຍພັນ o ຊຶ່ງສ່ວນຫຼາຍຈະພົບເຫັນຢູ່ປະເທດອິນເດຍ,
ເຖິງຢ່າງໃດກໍຕາມນັບແຕ່ມີລາຍງານພົບການລະບາດມານີ້ທາງໜ໋ວຍງານສັດຕະວະແພດນະຄອນຫຼວງວຽງຈັນກໍໄດ້ລົງສົມທົບກັບເມືອງ ແລະ ສັດຕະວະແພດບ້ານເພື່ອຊ່ວຍເຫຼືອປິ່ນປົວສັດລ້ຽງທີ່ຕິດດເຊື້ອ, ພ້ອມທັງສະໜອງຢາ ແລະ ແນະນຳວິທີີການປິ່ນປົວສັດໃຫ້ແກ່ປະຊາຊົນ ແລະ ກຳນົດເຂດທີ່ມີການລະບາດຂອງພະຍາດສັດຢູ່ສອງເມືອງດັ່ງກ່າວເພື່ອສາມາດຄວມຄຸມໄດ້ງ່າຍ ແລະ ຫ້າມບໍ່ໃຫ້ມີການເຄື່ອນຍ້າຍສັດອອກໄປເຂດອື່ນຢ່າງເດັດຂາດ ແລະ ມາຮອດດຽວນີ້ພາກສ່ວນກ່ຽວຂ້ອງສາມາດຄວບຄຸມການລະບາດຂອງພະຍາດດັ່ງກ່າວໃຫ້ຢູ່ໃນຂອບເຂດໄດ້ແລ້ວ, ແຕ່ເຖິງຢ່າງໃດກໍຍັງຈະຕ້ອງໄດ້ເລ່ັງປິ່ນປ່ວຍສັດຕິດເຊື້ອໃຫ້ຫາຍດີໂດຍໄວເພື່ອບໍ່ໃຫ້ພະຍາດດັ່ງກ່າວແຜ່ລະບາດໄປເປັນວົງກ້ວາງ.
ທ່ານຫົວໜ້າໜ່ວຍງານສັດຕະວະແພດນະຄອນຫຼວງວຽງຈັນກ່າວວ່າ: ນອກາຈາກ 2 ເມືອງດັ່ງກ່າວແລ້ວໜ່ວຍງານກ່ຽວຂ້ອງຍັງເຝົ້າລະວັງພະຍາດດັ່ງກ່າວຢູ່ບັນດາເມືອງໃກ້ຄຽງເພື່ອສາມາດຕອບໂຕ້ໄດ້ທັນເວລາຖ້າຫາກມີການລະບາດ, ແຕ່ເຖິງຢ່າງໃດກໍຂໍຮຽກຮ້ອງໃຫ້ພາກສ່ວນກ່ຽວຂ້ອງ ແລະ ປະຊາຊົນຢູ່ສອງເມືອງດັ່ງກ່າວ, ກໍຄືທຸກເມືອງໃນທົ່ວປະເທດຈົ່ງຊ່ວຍກັນເປັນຫູເປັນຕາ, ຖ້າພົບເຫັນການເຄື່ອຍຍ້າຍສັດ ຫຼື
ຜະລິດຕະພັນສັດຈາກຕ່າງປະເທດຫຼືພາຍໃນປະເທດທີ່ມີລັກຊະນະຜິດປົກກະຕິໃຫ້ແຈ້ງມາຍັງໜ່ວຍງານສັດຕະພາບແພດເມືອງ ຫຼື ບ້ານເພື່ອກວດສອບ, ເພື່ອປ້ອງກັນບໍ່ໃຫ້ມີການລະບາດຂອງພະຍາດສັດເກີດຂຶ້ນດັ່ງກທີ່ເຄີຍເປັນມາ.
No comments:
Post a Comment