ພະແນກຈະລາຈອນນະຄອນຫລວງວຽງຈັນວາງແຜນປ້ອງກັນ ແລະ ອຳນວຍຄວາມສະດວກໃນການສັນຈອນ ໄລຍະກະກຽມ ແລະດຳເນີນກອງປະຊຸມໃຫຍ່ຄັງ້ທີ X ຂອງພັກປະຊາຊົນປະຕິວັດລາວແຕ່ວັນທີ
18-21 ມັງກອນນີ້, ທັງນີ້ກໍເພື່ອຮັບປະກັນໃຫ້ແກ່ການດຳເນີນກອງປະຊຸມສຳຄັນດັ່ງກ່າວມີຄວາມສະຫງົບ, ປອດໄພ ແລະ ເປັນລະບຽບຮຽບຮ້ອຍໃນທຸກດ້ານ.
ໃນວັນທີ 13 ມັງກອນນີ້, ທີ່ຫ້ອງຕຳຫລວດນະຄອນຫລວງວຽງຈັນ ໄດ້ຈັດກອງປະຊຸມຜ່ານແຜນປ້ອງກັນດັ່ງກ່າວພາຍໃນການເປັນປະທານຂອງທ່ານພັທຢຸດຕະພົງສຸວັນນະສິງຮອງຫ້ອງຕຳຫລວດຫົວໜ້າພະແນກຈະລາຈອນນະຄອນຫລວງວຽງຈັນ, ມີບັນດາຫົວໜ້າຈະລາຈອນ 5 ຕົວເມືອງຄື: ເມືອງສີໂຄດຕະບອງ, ຈັນທະບູລີ,
ສີສັດຕະນາກ, ໄຊເສດຖາ ແລະ ເມືອງໄຊທານີ ເຂົ້າຮ່ວມ, ເຊິ່ງວຽກທີ່ຈະຕ້ອງສຸມໃສ່ຕົ້ນຕໍແມ່ນ ໂຄສະນາສຶກສາອົບຮົມທົ່ວພັກ, ທົ່ວກຳລັງປະກອບອາວຸດ ແລະ ປະຊາຊົນມີຄວາມຕື່ນຕົວເຂົ້າຮ່ວມເຮັດວຽກປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນ, ສຸມໃສ່ກຳແໜ້ນສະພາບການບໍ່ສະຫງົບ, ຄວາມບໍ່ເປັນລະບຽບຮຽບຮ້ອຍທາງສັງຄົມ ແລະ ສະພາບການສັນຈອນ ເພື່ອມີວິທີແກ້ໄຂຢ່າງທັນການ ແລະ ມີປະສິດທິຜົນສູງ, ຈັດຕັ້ງກຳລັງເຂົ້າບັນດາຈຸດຕ່າງໆຕາມສະພາບທາງ ເພື່ອເຮັດວຽກລະບາຍລົດ, ການເປີດທາງນຳພາແຂກ ຫລືຜູ້ແທນກອງປະຊຸມໄປເຖິງຈຸດໝາຍຢ່າງປອດໄພ,
ຈັດຕັ້ງກຳລັງປະຈຳການລະວັງເຫດຕະຫລອດ 24 ຊົ່ວໂມງ ເປັນກຳລັງຊ່ວຍໜູນບັນດາຈຸດຕ່າງໆ ແລະ ແກ້ໄຂກໍລະນີເກີດອຸປະຕິເຫດໃຫ້ທັນກັບສະພາບການ.
ພ້ອມນີ້ຍັງໄດ້ຈັດຕັ້ງການຊີ້ນຳ-ບັນຊາກຳລັງຈະລາຈອນ
ໃຫ້ມີຄວາມເປັນເອກກະພາບ ແລະ ລວມສູນທົ່ວນະຄອນຫລວງວຽງຈັນ ເອົາໃຈໃສ່ປະສານສົມທົບກັບຂະແໜງການກ່ຽວຂ້ອງ ເພື່ອແກ້ໄຂບັນຫາເສັ້ນທາງຄັບແຄບ, ເສັ້ນທາເປ່ເພ,
ແກ້ໄຂກໍລະນີສຸກເສີນ ແລະ ອື່ນໆ.
No comments:
Post a Comment