ກົມອຸຕຸນິຍົມ ແລະ ອຸທົກກະສາດ
ເຕືອນວ່າ: ບໍລິເວນຄວາມກົດດັນສູງຂອງອາກາດໜາວທີ່ປະເທດຈີນໄດ້ເພີ່ມກຳລັງແຮງຂຶ້ນແຜ່ລົງມາປົກຄຸມຢູ່ທົ່ວທຸກພາກຂອງລາວ, ດ້ວຍກຳລັງປານກາງ, ສົມທົບກັບສອງກະແສລົມຕາເວັນອອກສ່ຽງເໜືອ ພັດປົກຄຸມພາກເໜືອ ແລະ
ລົມຕາເວັນອອກສ່ຽງໃຕ້ພັດປົກຄຸມພາກກາງຫາພາກໃຕ້, ເຊິ່ງລັກສະນະເຊັ່ນນີ້ ຈະເຮັດໃຫ້ອຸນຫະພູມອາກາດເຢັນລົງ 1-2 ອົງສາ ໃນແຕ່ລະພາກ,
ໂດຍສະເພາະຢູ່ແຂວງພາກເໜືອດ້ານຕາເວັນອອກ, ເຂດພູສູງ, ແຂວງໄຊສົມບູນ ແລະ ພູພຽງບໍລະເວນປາກ ຊ່ອງອາກາດຈະໜາວເຢັນຫລາຍ, ພ້ອມຈະມີລົມພັດແຮງເປັນບາງໂອກາດຢູ່ບາງ ທ້ອງຖິ່ນແຂວງພາກກາງຫາພາກໃຕ້.
ພາກເໜືອດ້ານຕາເວັນອອກ: ມີເມກປົກຄຸມເປັນສ່ວນຫລາຍ, ອາກາດຍັງຈະໜາວຫລາຍ ພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ ແລະ ຈະມີຝົນຕົກກະຈາຍຢູ່ບາງທ້ອງຖິ່ນ, ໂດຍສະເພາະແຂວງຫົວພັນ ແລະ
ຊຽງຂວາງ. ອຸນຫະພູມຕ່ຳສຸດ 6-10 ອົງສາ ແລະ
ສູງສຸດ 23-25 ອົງສາ. ພາກເໜືອດ້ານຕາເວັນຕົກ: ມີເມກປົກຄຸມເປັນບາງສ່ວນ, ອາກາດຍັງໜາວເຢັນພ້ອມມີໝອກໜາປົກຫຸ້ມຢູ່ບາງທ້ອງຖິ່ນໃນຕອນກາງຄືນຫາຕອນເຊົ້າ. ອຸນຫະພູມຕ່ຳສຸດ 10-12 ອົງສາ
ແລະ ສູງສຸດ
27-29 ອົງສາ, ເມືອງສິງ ອາກາດໜາວຫລາຍ, ພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ. ອຸນຫະພູມຕ່ຳສຸດ
7-8 ອົງສາ ແລະ
ສູງສຸດ 25-27 ອົງສາ.
ສະເພາະຢູ່ນະຄອນຫລວງວຽງຈັນ: ມີເມກປົກຄຸມເປັນບາງສ່ວນ, ອາກາດເຢັນໃນ
ຕອນເຊົ້າ, ພ້ອມມີໝອກບາງປົກຫຸ້ມຢູ່ທົ່ວໄປ. ອຸນຫະພູມຕ່ຳສຸດ 18-20 ອົງສາ
ແລະ ສູງສຸດ
29-31 ອົງສາ. ພາກກາງ: ມີເມກປົກຄຸມເປັນບາງສ່ວນ, ອາກາດເຢັນ
ຫາ ໜາວ
ເຢັນ ພ້ອມມີໝອກບາງປົກຫຸ້ມຢູ່ທົ່ວໄປ ແລະ
ມີໝອກໜາປົກຫຸ້ມຢູ່ບາງທ້ອງຖິ່ນດ້ານຕາເວັນອອກຂອງພາກ. ອຸນຫະພູມຕ່ຳສຸດ 18-20 ອົງສາ
ແລະ ສູງສຸດ
30-32 ອົງສາ, ແຂວງໄຊສົມບູນ: ອາກາດເຢັນຫລາຍ ແລະ
ມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ. ອຸນຫະພູມຕ່ຳສຸດ 8-10 ອົງສາ
ແລະ ສູງສຸດ
23-25 ອົງສາ.
ພາກໃຕ້: ມີເມກປົກຄຸມເປັນບາງສ່ວນ, ອາກາດເຢັນໃນຕອນເຊົ້າ ພ້ອມມີໝອກ
ບາງປົກຫຸ້ມຢູ່ບາງທ້ອງຖິ່ນ ສ່ວນຕອນກາງເວັນອາກາດຈະຮ້ອນ, ໂດຍສະເພາະແຂວງ ອັດຕະປື, ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ. ອຸນຫະພູມຕ່ຳສຸດ 21-23 ອົງສາ
ແລະ ສູງສຸດ
33-35 ອົງສາ, ເຂດພູພຽງບໍລະເວນປາກຊ່ອງ: ອາກາດໜາວເຢັນ ຫລາຍ
ພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ ແລະ ມີລົມພັດແຮງເປັນບາງໂອ ກາດ.
ອຸນຫະພູມຕ່ຳສຸດ 9-11 ອົງສາ
ແລະ ສູງສຸດ
25-27 ອົງສາ.
No comments:
Post a Comment