ອຸນຫະພູມຈະເຢັນລົງອີກ 1-3 ອົງສາ

ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ນັບແຕ່ 7 ໂມງເຊົ້າຂອງວັນທີ 16 ກຸມພານີ້, ພາກເໜືອດ້ານຕາເວັນອອກ: ອາກາດຈະເຢັນຫລາຍ, ພ້ອມມີໝອກໜາປົກຫຸ້ມຢູ່ ທົ່ວໄປໃນຕອນເຊົ້າ ແລະ ຈະມີຝົນຕົກກະຈາຍພ້ອມມີລົມພັດແຮງເປັນບາງໂອກາດ ອຸນຫະພູມຕ່ຳສຸດ 5-7 ອົງສາ ແລະ ສູງສຸດ 23-25 ອົງສາ. ພາກເໜືອດ້ານຕາເວັນຕົກ: ອາກາດເຢັນ ຫາ ໜາວເຢັນ ພ້ອມມີໝອກບາງປົກຫຸ້ມຢູ່ທົ່ວໄປ ແລະ ມີໝອກໜາປົກຫຸ້ມຢູ່ ບາງທ້ອງຖິ່ນໃນຕອນເຊົ້າ. ອຸນຫະພູມຕ່ຳສຸດ 9-11 ອົງສາ ແລະ ສູງສຸດ 26-28 ອົງສາ, ເມືອງສິງ: ອຸນຫະພູມຕ່ຳສຸດ 6-8 ອົງສາ ແລະ ສູງສຸດ 24-26 ອົງສາ.

ນະຄອນຫລວງວຽງຈັນ: ມີເມກປົກຄຸມເປັນບາງສ່ວນ, ອາກາດເຢັນ ພ້ອມມີໝອກ ບາງປົກຫຸ້ມຢູ່ທົ່ວໄປໃນຕອນເຊົ້າ ແລະ ມີລົມພັດແຮງເປັນບາງໂອກາດ. ອຸນຫະພູມຕ່ຳສຸດ 14-16 ອົງສາ ແລະ ສູງສຸດ 28-30 ອົງສາ, ພາກກາງ: ອຸນຫະພູມອາກາດເຢັນລົງ 1-2 ອົງສາ ຍັງມີໝອກບາງປົກຫຸ້ມຢູ່ທົ່ວໄປ ແລະ ມີໝອກໜາປົກຫຸ້ມຢູ່ບາງທ້ອງຖິ່ນ ພ້ອມມີ ລົມພັດແຮງເປັນບາງໂອກາດຢູ່ບາງທ້ອງຖິ່ນທາງດ້ານຕາເວັນອອກຂອງພາກ. ອຸນຫະພູມ ຕ່ຳສຸດ 13-15 ອົງສາ ແລະ ສູງສຸດ 28-30 ອົງສາ, ແຂວງໄຊສົມບູນ: ອຸນຫະພູມຕ່ຳ ສຸດ 3-5 ອົງສາ ແລະ ສູງສຸດ 23-25 ອົງສາ.

ພາກໃຕ້: ມີເມກປົກຄຸມເປັນບາງສ່ວນ, ອາກາດເຢັນ, ພ້ອມມີໝອກບາງປົກຫຸ້ມຢູ່ ທົ່ວໄປໃນຕອນເຊົ້າ. ອຸນຫະພູມຕ່ຳສຸດ 15-17 ອົງສາ ແລະ ສູງສຸດ 29-31 ອົງສາ. ເຂດພູພຽງ ບໍລະເວນປາກຊ່ອງ: ອາກາດຍັງໜາວເຢັນຫລາຍ ພ້ອມມີໝອກໜາປົກຫຸ້ມ ຢູ່ທົ່ວໄປໃນຕອນເຊົ້າ. ອຸນຫະພູມຕ່ຳສຸດ 3-5 ອົງສາ ແລະ ສູງສຸດ 24-26 ອົງສາ.

          ພ້ອມນີ້ ກົມອຸຕຸ ຍັງໄດ້ອອກມາແຈ້ງເຕືອນວ່າ: ມວນອາກາດໜາວເຢັນມີກຳລັງແຮງ ປົກຄຸມຢູ່ທົ່ວທຸກພາກຂອງລາວ, ເຊິ່ງຈະເຮັດໃຫ້ອຸນ ຫະພູມອາກາດໜາວເຢັນລົງຕື່ມອີກ 1-3 ອົງສາ ໃນແຕ່ລະພາກ, ສະເພາະເຂດພາກເໜືອ ດ້ານຕາເວັນອອກ, ເຂດພູສູງ, ພູດອຍ ອາກາດຈະໜາວເຢັນຫລາຍ, ພ້ອມມີໝອກໜາປົກ ຫຸ້ມຢູ່ທົ່ວໄປ ແລະ ຈະມີຝົນ ຕົກກະຈາຍພ້ອມມີລົມພັດແຮງເປັນບາງໂອກາດ. ດັ່ງນັ້ນ ຈຶ່ງເຕືອນໃຫ້ປະຊາຊົນທີ່ອາໄສ ຢູ່ຂອບເຂດດັ່ງກ່າວ ຈົ່ງມີສະຕິຮັກສາສຸຂະ ພາບ ແລະ ກະກຽມເຄື່ອງນຸ່ງຮົ່ມໃຫ້ຮ່າງກາຍ ອົບອຸ່ນຢູ່ສະເໝີ, ໂດຍສະເພາະເດັກນ້ອຍ ແລະ ຜູ້ສູງອາຍຸ, ພ້ອມທັງລະມັດລະວັງໃນການສັນຈອນໄປມາດ້ວຍ.