ກອງປະຊຸມສະຫລຸບວຽກງານກວດກາປະຈໍາປີ 2015 ແລະ
ວາງແຜນການເຄື່ອນໄຫວວຽກງານປີ 2016 ຂອງກະຊວງຖະແຫລງຂ່າວ, ວັດທະນະທໍາ ແລະ
ທ່ອງທ່ຽວ(ຖວທ), ໄດ້ຈັດຂຶ້ນໃນວັນທີ 25
ກຸມພານີ້ຢູ່ຫໍວັດທະນະທໍາແຫ່ງຊາດ, ນະຄອນຫລວງວຽງຈັນ,
ໂດຍການເຂົ້າຮ່ວມຂອງທ່ານ ບົວເງິນ ຊາພູວົງ ລັດຖະມົນຕີຊ່ວຍວ່າການກະຊວງ
ຖວທ, ມີທ່ານຮອງປະທານຄະນະກວດກາສູນກາງພັກ, ຮອງປະທານອົງການກວດກາລັດຖະບານ, ທ່ານຮັກສາການຫົວໜ້າກົມກວດກາກະຊວງ
ຖວທ, ພ້ອມດ້ວຍພະນັກງານກ່ຽວຂ້ອງເຂົ້າຮ່ວມເປັນຈໍານວນຫລາຍ.
ທ່ານຮອງຫົວໜ້າກົມກວດກາກະຊວງດັ່ງກ່າວ ກຽງແກ້ວ
ສີລາພົມ ໄດ້ລາຍງານວ່າ:ຕະຫລອດໄລຍະໜຶ່ງປີຜ່ານມາ, ຄະນະພັກ-ຄະນະນໍາກະຊວງໄດ້ເອົາໃຈໃສ່ຊີ້ນໍາ-ນໍາພາການເຄື່ອນໄຫວຕິດຕາມກວດກາວຽກງານຕາມສາຍຕັ້ງຢູ່ພະແນກ
ຖວທ ແຂວງ ແລະ ບັນດາກົມ, ສະຖາບັນ, ກອງວິຊາການອ້ອມຂ້າງກະຊວງໄດ້ 36 ເປົ້ົາໝາຍ, ກວດກາຕາມຄໍາສັ່ງ
1 ເປົ້າໝາຍ, ກວດກາໂຄງການປະຕິສັງຂອນຫໍພິພິທະພັນວັດສີສະເກດທີ່ສະເໜີຊໍາລະໜີ້ແບບມີສ່ວນຫລຸດ
20-30% ໃຫ້ກະຊວງການເງິນ, ກວດກາຜົນການລົງທຶນຂອງລັດຢູ່ທ້ອງຖິ່ນ
8 ເປົ້າໝາຍ, ກວດກາການຈັດຕັ້ງປະຕິບັດໂຄງການລົງທຶນຂອງລັດດ້ວຍຮູບການປະມູນ,
ສົມທຽບລາຄາ ແລະ ປະເມີນຜົນສໍາເລັດຂອງໂຄງການລົງທຶນຂອງລັດປະຈໍາປີ
2014-2015 ຈໍານວນ 27 ໂຄງການ ລວມມີມູນຄ່າຫລາຍກວ່າ 59 ຕື້ກີບ, ໃນນີ້ທຶນພາຍໃນ 33 ຕື້ກີບ ແລະ ທຶນຕ່າງປະເທດຫລາຍກວ່າ 26 ຕື້ກີບ, ກວດກາເງິນງົບປະມານສົກປີ 2014-2015 ຂອງກະຊວງໄດ້ຮັບປະມານ 119 ຕື້ກວ່າກີບ,
ສາມາດປະຕິບັດແຜນລາຍຈ່າຍງົບປະມານທັງໝົດ114 ຕື້ກວ່າກີບ, ໃນນີ້ມີ 4 ຫົວໜ່ວຍງົບປະມານສາມາດກຸ້ມຕົນເອງດ້ານລາຍຈ່າຍບໍລິຫານ, ດັດສົມວິຊາການ ແລະ ຫລາຍກົມກອງແມ່ນມີລາຍຮັບເລັກນ້ອຍ
ເພື່ອຊ່ວຍວຽກບໍລິຫານ-ສົ່ງເສີມວິຊາການໄດ້ຈໍານວນໜຶ່ງ, ການຮັບເງິນຄ່າບໍລິການສ່ວນຫລາຍຜ່ານລະບົບຄັງເງິນແຫ່ງຊາດຕາມລະບຽບງົບປະມານວາງອອກ,
ເກັບກໍາຂໍ້ມູນສະຖິຕິໂຄງການລົງທຶນຂອງລັດສົ່ງໃຫ້ກວດກາສູນກາງພັກ,ເກັບກໍາສະຖິຕິພະນັກງານຂັ້ນສູນກາງຄຸ້ມຄອງ ແລະ ພະນັກ ງານລັດຖະກອນປະຈໍາປີ
2015, ກວດກາເກັບກໍາຂໍ້ມູນ ແລະ
ແກ້ໄຂປະກົດການຫຍໍ້ທໍ້ດ້ານວັດທະນະທໍາ ແລະ ທ່ອງທ່ຽວ ຢູ່ທ້ອງຖິ່ນໄດ້ 6 ແຂວງ ແລະ 2
ຫ້ອງການມໍລະດົກໂລກ, ຂຶ້ນແຜນຈັດຕັ້ງປະຕິບັດຍຸດທະສາດຕ້ານການສໍ້ລາດບັງຫລວງແຕ່ນີ້ຮອດປີ
2020,ຊຶ່ງກະຊວງ ຖວທ ໄດ້ກໍານົດຍຸດທະສາດວຽກງານຕ້ານການສໍ້ລາດບັງຫລວງໃນໄລຍະ
5 ປີ 2016-2020.
No comments:
Post a Comment