ມີ 211 ທ່ານສະໝັກຮັບເລືອກຕັ້ງເປັນສະມາຊິກສະພາແຫ່ງຊາດຊຸດທີ VIII

ວັນທີ 15 ກຸມພານີ້, ຄະນະກຳມະການເລືອກຕັ້ງລະດັບຊາດໄດ້ຈັດພິທີຖະແຫຼງຂ່າວຕໍ່ສື່ມວນຊົນ ເພື່ອແຈ້ງລາຍຊື່ ແລະ ຈຳນວນຜູ້ສະໝັກເລືອກຕັ້ງເປັນສະມາຊິກສະພາແຫ່ງຊາດຊຸດທີ VIII ແລະ ສະພາປະຊາຊົນແຂວງ, ນະຄອນຫຼວງວ່າ: ອີງຕາມມາດຕາ 12 ແລະ 15 ຂອງກົດໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ສະບັບເລກທີ່ 66 / ສພຊ ,ລົງວັນທີ 14 ທັນວາ 2015 , ອີງຕາມລັດຖະດຳລັດຂອງປະທານປະເທດສະບັບ ເລກທີ 029/ປປທ, ລົງວັນທີ 14 ກຸມພາ 2016 ວ່າດ້ວຍການປະກາດຈຳນວນຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດຊຸດທີ່ VIII ແລະ ສະມາຊິກສະພາປະຊາຊົນ ແຂວງ, ນະຄອນຫຼວງ, ຜ່ານການຄົ້ນຄວ້າພິຈາລະນາຕົກລົງເຫັນດີ

ຂອງກອງປະຊຸມຄະນະກຳມະການເລືອກຕັ້ງລະດັບຊາດຄັ້ງວັນທີ 13 ກຸມພາ 2016 ຄະນະກຳມະການເລືອກຕັ້ງລະດັບຊາດປະກາດແຈ້ງການກ່ຽວກັບຈຳນວນຜູ້ຮັບສະໝັກເລືອກຕັ້ງເປັນສະມາຊິກສະພາແຫ່ງຊາດຊຸດທີ່ VIII ຢູ່ເຂດເລືອກຕັ້ງຕ່າງໆໃນຂອບເຂດທົ່ວປະເທດ ຊຶ່ງປະກອບມີດັ່ງນີ້: ເຂດເລືອກຕັ້ງທີ 1 ນະຄອນຫຼວງວຽງຈັນມີຈຳນວນຜູ້ສະຮັບສະໝັກເລືອກຕັ້ງ 24 ທ່ານ  ເລືອກເອົາ 17 ທ່ານ, ເຂດເລືອກຕັ້ງທີ 2 ແຂວງຜົ້ງສາລີ ມີຈຳນວນຜູ້ຮັບສະໝັກ 7 ທ່ານ ເລືອກເອົາ 5 ທ່ານ , ເຂດເລືອກຕັ້ງທີ 3 ແຂວງຫຼວງນ້ຳທາ ມີຈຳນວນຜູ້ຮັບສະໝັກ 7 ທ່ານ ເລືອກເອົາ 5 ທ່ານ, ເຂດເລືອກຕັ້ງທີ 4 ແຂວງອຸດົມໄຊ ມີຜູ້ຮັບສະໝັກ 10 ທ່ານ ເລືອກເອົາ 7 ທ່ານ, ເຂດເລືອກຕັ້ງທີ 5 ແຂວງບໍ່ແກ້ວ ມີຜູ້ຮັບສະໝັກ 7 ທ່ານ ເລືອກເອົາ 5 ທ່ານ, ເຂດເລືອກຕັ້ງທີ 6 ແຂວງຫຼວງພະບາງ ມີຜູ້ຮັບສະໝັກ 15 ທ່ານ ເລືອກເອົາ 10 ທ່ານ, ເຂດເລືອກຕັ້ງທີ 7 ແຂວງໄຊຍະບູລີ ມີຜູ້ຮັບສະໝັກ 12 ທ່ານ ເລືອກເອົາ 8 ທ່ານ, ເຂດເລືອກຕັ້ງທີ 8 ແຂວງຫົວພັນ ມີຜູ້ຮັບສະໝັກ 10 ທ່ານ ເລືອກເອົາ 7 ທ່ານ, ເຂດເລືອກຕັ້ງທີ 9 ແຂວງຊຽງຂວາງ ມີຜູ້ຮັບສະໝັກ 9 ທ່ານ ເລືອກເອົາ 6 ທ່ານ, ເຂດເລືອກຕັ້ງທີ 10 ແຂວງວຽງຈັນ ມີຜູ້ຮັບສະໝັກ 13 ທ່ານ ເລືອກເອົາ 9 ທ່ານ, ເຂດເລືອກຕັ້ງທີ 11 ແຂວງບໍລິຄຳໄຊ ມີຜູ້ຮັບສະໝັກ 9 ທ່ານ ເລືອກເອົາ 6 ທ່ານ, ເຂດເລືອກຕັ້ງທີ 12 ແຂວງຄຳມ່ວນ ມີຜູ້ຮັບສະໝັກ 11 ທ່ານ ເລືອກເອົາ 8 ທ່ານ, ເຂດເລືອກຕັ້ງທີ 13 ແຂວງສະຫວັນນະເຂດມີຜູ້ຮັບສະໝັກ 26 ທ່ານ ເລືອກເອົາ 19 ທ່ານ, ເຂດເລືອກຕັ້ງທີ 14 ແຂວງສາລະວັນມີຜູ້ຮັບສະໝັກ 11 ທ່ານ ເລືອກເອົາ 8 ທ່ານ, ເຂດເລືອກຕັ້ງທີ 15 ແຂວງຈຳປາສັກ ມີຜູ້ຮັບສະໝັກ 19 ທ່ານ ເລືອກເອົາ 14 ທ່ານ, ເຂດເລືອກຕັ້ງທີ 16 ແຂວງເຊກອງ ມີຜູ້ຮັບສະໝັກ 7 ທ່ານ ເລືອກເອົາ 5 ທ່ານ, ເຂດເລືອກຕັ້ງທີ 17 ແຂວງອັດຕະປືມີຜູ້ຮັບສະໝັກ 7 ທ່ານ ເລືອກເອົາ 5 ທ່ານ, ເຂດເລືອກຕັ້ງທີ 18 ແຂວງໄຊສົມບູນມີຜູ້ຮັບສະໝັກ 7 ທ່ານ ເລືອກເອົາ 5 ທ່ານ, ກ່ຽວກັບຄຸນລັກຊະນະຂອງຜູ້ຮັບສະໝັກເລືອກຕັ້ງສະມາຊິກສະພາແກຫ່ງຊາດຊຸດທີ່ VIII ມີດັ່ງນີ້, ຜູ້ສະໜັກທັງໝົດມີ 211 ທ່ານ ,ເພດຍິງ 50 ທ່ານ , ຜູ້ສະໜັກສູນກາງມີ 61 ທ່ານ , ເພດຍິງ 17 ທ່ານ ,ຜູ້ສະໝັກທ້ອງຖິ່ນມີ 150 ທ່ານ, ເພດຍິງມີ 33 ທ່ານ, ມີສະມາຊິກສະພາແຫ່ງຊາດຊຸດທີ VII ສະໝັກຕໍ່ 48 ທ່ານ, ເພດຍິງ 20 ທ່ານ,ຈາກລັດວິສາຫະກິດມີ 4 ທ່ານ, ຈາກວິສາຫະກິດພາກເອກະຊົນມີ 9 ທ່ານ, ເພດຍິງ 2 ທ່ານ .