ໃນວັນທີ 3 ກຸມພານີ້, ກະຊວງແຮງານ ແລະ ສະຫວັດດີການສັງຄົມ ໄດ້ຈັດກອງປະຊຸມປຶກສາຫາລືກ່ຽວກັບການດັດປັບເງິນເດືອນປະກັນຕົນຕ່ຳສຸດ ແລະ ເພດານເງິນເດືອນປະກັນຕົນສູງສຸດ ເພື່ອສົມທົບເຂົ້າກອງທຶນປະກັນສັງຄົມແຫ່ງຊາດ.
ຜູ້ອຳນວຍການຫ້ອງການກອງທຶນປະກັນສັງຄົມແຫ່ງຊາດ ໄດ້ສະເໜີຕໍ່ກອງປະຊຸມວ່າ: ລະ ບົບປະກັນສັງຄົມ ສຳລັບຜູ້ອອກແຮງງານໃນຂົງເຂດວິສາຫະກິດ ໄດ້ສ້າງຕັ້ງຂຶ້ນຢ່າງເປັນທາງການມາແຕ່ເດືອນມິຖຸນາ 2001, ໂດຍມີລາຍຮັບຕົ້ນຕໍມາຈາກການເກັບເງິນສົມທົບຈາກຜູ້ໃຊ້ແຮງານ ແລະ ຜູ້ອອກແຮງງານ, ກອງທຶນປະກັນສັງຄົມ
ຈະຈ່າຍເງິນອຸດໜູນປະເພດຕ່າງໆ, ໂດຍອີງໃສ່ພື້ນຖານເງິນສົມທົບ ຫລື ເງິນເດືອນປະກັນຕົນຂອງແຕ່ລະຄົນ, ເພື່ອເປັນການທົດແທນລາຍໄດ້ໃຫ້ແກ່ຜູ້ປະກັນຕົນ. ດັ່ງນັ້ນ ການກຳນົດພື້ນ ຖານເງິນເດືອນປະກັນຕົນຕ່ຳສຸດ ແລະ ເພດານເງິນເດືອນປະກັນຕົນສູງສຸດ ຈຶ່ງມີຄວາມຈຳເປັນ ເພື່ອຫລຸດຊ່ອງຫວ່າງ ແລະ ຄວາມຍຸຕິທຳໃນສັງຄົມ, ກໍຄືບັນດາຜູ້ຈ່າຍເງິນສົມທົບດ້ວຍກັນ, ຍ້ອນເປັນລະບົບທີ່ມີການສະເລ່ຍຄວາມສ່ຽງ ແລະ ເພື່ອເປັນການຮັບປະກັນການສະສົມທຶນ ເພື່ອສະໜອງການອຸດໜູນຂັ້ນພື້ນຖານໃຫ້ຜູ້ອອກແຮງງານໃນຂົງເຂດວິສາຫະກິດ, ຊຶ່ງມີລະດັບເງິນເດືອນແຕກໂຕນກັນຫລາຍ ແລະ ຫລີກຫລ່ຽງບໍ່ໃຫ້ຜູ້ມີເງິນເດືອນສູງຫລາຍໄປສະເລ່ຍກັບຜູ້ມີເງິນເດືອນຕ່ຳເກີນໄປ,
ໂດຍສະເພາະອຸດໝູນໄລຍະຍາວ ແມ່ນເອົາເງິນປະກັນຕົນສະເລ່ຍທັງໝົດມາເປັນບ່ອນອີງໃນການຄິດໄລ່. ສະນັ້ນ ຈຶ່ງຄວນມີການກຳນົດ ແລະ ປັບປຸງເພດານເງິນເດືອນປະກັນຕົນ ເປັນແຕ່ລະໄລຍະ, ເພື່ອໃຫ້ສອດຄ່ອງກັບການເໜັງຕີງດ້ານລາຍໄດ້ປະກັນຕົນຂອງຜູ້ອອກແຮງງານ, ໃນນີ້, ເພດານ ເງິນເດືອນປະກັນຕົນ ຫລື
ເພດານເງິນສົມທົບ ເລີ່ມແຕ່ເດືອນມິຖຸນາ 2001 ໄດ້ກຳນົດເພດານເງິນສົມທົບໃນລະດັບ 1 ລ້ານກີບ, ຊຶ່ງເງິນເດືອນຂັ້ນຕໍ່າແມ່ນ 93.600 ກີບ ເປັນພື້ນຖານເງິນເດືອນປະກັນຕົນຕ່ຳສຸດ ສະເລ່ຍເທົ່າກັບ 10,7 ເທື່ອ, ໃນເດືອນມັງກອນ 2006 ໄດ້ມີການດັດປັບເພດານເງິນສົມທົບຂຶ້ນເປັນ 1,5 ລ້ານກີບ, ເງິນເດືອນຂັ້ນຕ່ຳເທົ່າກັບ 290.000 ກີບ ສະເລ່ຍເທົ່າກັບ 5,2 ເທື່ອ, ເດືອນມັງກອນ 2013 ໄດ້ມີການປັບເພດານເງິນສົມທົບຂຶ້ນເປັນ 2 ລ້ານກີບ, ເງິນເດືອນຂັ້ນຕ່ຳແມ່ນ 626.000 ກີບ ສະເລ່ຍເທົ່າກັບ 3,2 ເທື່ອ, ແຕ່ປັດຈຸບັນ ເງິນເດືອນຂັ້ນຕ່ຳໄດ້ປັບຂຶ້ນເປັນ 9 ແສນກີບ. ສະນັ້ນ ເມື່ອຄິດສະເລ່ຍແລ້ວ ຈະຫລຸດລື່ນກັນພຽງ 2,2 ເທື່ອເທົ່ານັ້ນ, ດັ່ງນັ້ນ ເພື່ອພິຈາລະນາຮັບຮອງເອົາເງິນເດືອນຂັ້ນຕ່ຳທີ່ລັດຖະບານປະກາດໃຊ້ໃນແຕ່ລະໄລຍະເປັນເງິນເດືອນປະກັນຕົນຕ່ຳສຸດ ແລະ ກຳນົດເອົາເພດານເງິນເດືອນປະກັນຕົນ ຫລື
ເພດານເງິນສົມທົບສູງສຸດ ບໍ່ເກີນ 5 ເທົ່າຕົວຂອງເງິນເດືອນຂັ້ນຕ່ຳ ຫລື ເທົ່າກັບ 4,5 ລ້ານກີບ. ທັງນີ້ ກໍເພື່ອດຶງດູດໃຫ້ຜູ້ທີ່ມີລາຍຮັບສູງເຂົ້າສູ່ລະບົບ ເພາະບາງພາກສ່ວນຍັງຕີລາຄາວ່າເງິນອຸດໜູນທີ່ໄດ້ຮັບນັ້ນຕ່ຳເກີນໄປ,
ໂດຍສະເພາະໃນເວລາກະສຽນບຳນານ.
ກອງປະຊຸມດັ່ງກ່າວ ພາຍໃຕ້ການເປັນປະທານຂອງທ່ານ ດຣ.
ຄຳແພງ ໄຊສົມແພງ ລັດຖະ ມົນຕີວ່າການກະຊວງແຮງງານ ແລະ ສະຫວັດດີການສັງຄົມ, ມີບັນດາຜູ້ຕາງ ໜ້າກະຊວງກ່ຽວຂ້ອງຕ່າງໆເຂົ້າຮ່ວມນຳດ້ວຍ.
No comments:
Post a Comment