ໃນວັນທີ
2 ກຸມພານີ້, ກະຊວງແຮງງານ ແລະ ສະຫວັດດີການສັງຄົມ, ໄດ້ຈັດຕັ້ງເຜີຍແຜ່ຜົນສຳເລັດກອງປະຊຸມໃຫຍ່ຄັ້ງທີ X ຂອງພັກປະຊາຊົນ ປະຕິວັດລາວ, ໃຫ້ພະນັກງານສະມາຊິກໃນຂະແໜງການຂອງຕົນໂດຍທ່ານ ດຣ.
ຄຳແພງ ໄຊສົມແພງ ກຳມະການສູນກາງພັກ ລັດຖະມົນຕີວ່າການກະຊວງແຮງງານ ແລະ ສະຫວັດດີການສັງຄົມ ເປັນຜູ້ເຜີຍແຜ່, ເພື່ອຜູ້ເຂົ້າຮ່ວມໄດ້ຮັບຟັງ ແລະ ເຂົ້າໃຈເຊື່ອມຊຶມຕໍ່ຜົນກອງປະຊຸມດັ່ງກ່າວ ໂດຍສະເພາະແມ່ນບົດລາຍງານການເມືອງ ແລະ ຜົນການເລືອກຕັ້ງຄະນະບໍລິຫານງານສູນກາງພັກຊຸດໃໝ່, ຊຶ່ງກອງປະຊຸມໄດ້ເປັນເອກກະພາບກັນໃນລະດັບສູງ ເລືອກເອົາຄະນະບໍລິຫານງານສູນກາງພັກ ສະໄໝທີ
X ຈຳນວນ 69 ສະຫາຍ, ກຳມະການສຳຮອງສູນກາງພັກ 8 ສະຫາຍ, ກົມການເມືອງສູນກາງພັກ 11
ສະຫາຍ, ຄະນະເລຂາທິການສູນກາງພັກ 9 ສະຫາຍ ແລະ ໄດ້ເປັນເອກະພາບເລືອກຕັ້ງເອົາ ສະຫາຍ
ບຸນຍັງ ວໍລະຈິດ ເປັນເລຂາທິການໃຫຍ່ຄະນະບໍລິຫານງານສູນກາງພັກສະໄໝທີ
X, ເລືອກເອົາຄະນະກວດກາສູນກາງພັກ 9 ສະຫາຍ, ພ້ອມນີ້ ສະຫາຍ ດຣ.
ຄຳແພງ ໄຊສົມແພງ ຍັງໄດ້ເຜີຍແຜ່ຜົນສຳເລັດການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ
IX ຂອງພັກ ໃນໄລຍະ 5 ປີຜ່ານມາ ເພື່ອໃຫ້ພະນັກງານສະມາຊິກພັກ ໃນຂະແໜງການແຮງງານ ແລະ ສະຫວັດດີການສັງຄົມກຳໄດ້ຈຸດີ,
ຈຸດອ່ອນຄົງຄ້າງ ແລະ ບົດຮຽນຕ່າງໆທີ່ຖອດຖອນໄດ້, ເພື່ອເປັນທິດທາງໃຫ້ແກ່ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ປະສົບຜົນສຳເລັດຍິ່ງໃຫຍ່ກວ່າເກົ່າ.
No comments:
Post a Comment