ລາວຈະລົງທຶນຫລາຍກວ່າ 32 ຕື້ກີບ ສ້າງອາຄານຝຶກແອບ ແລະ ຫໍພັກນັກຮຽນກາຍະສິນ

ກອງກາຍະສິນແຫ່ງຊາດ, ກະຊວງຖະແຫລງຂ່າວ, ວັດທະນະ ທຳ ແລະ ທ່ອງທ່ຽວ (ຖວທ) ໄດ້ຮັບງົບປະມານຈາກລັດຖະບານ ສົກປີ 2015-2016 ຈຳນວນ 32 ຕື້ກວ່າກີບ, ເພື່ອສ້າງອາຄານຝຶກແອບ ແລະ ຫໍພັກນັກຮຽນກາຍະສິນແຫ່ງຊາດ ແລະ ໃນວັນທີ 11 ມີນານີ້, ກອງກາຍະສິນແຫ່ງຊາດ ຮ່ວມກັບ ບໍລິສັດ ໄຊພັດທະນາ ຈຳກັດ (ຜູ້ຮັບເໝົາກໍ່ສ້າງ) ໄດ້ຈັດພິທີວາງສີລາລືກ ໂຄງການກໍ່ສ້າງບ້ານສະຫວ່າງ, ເມືອງຈັນທະບູລີ ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ບົວເງິນ ຊາພູວົງ ຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ເຊິ່ໂຄງການດັ່ງກ່າວ ມີເນື້ອທີ່ທັງໝົດ 35 X 75 ຕາແມັດ, ປະກອບມີອາຄານ 3 ຊັ້ນ ຈຳນວນ 2 ຫລັງ, ມີ 35 ຫ້ອງ, ມີກຳແພງ, ເດີ່ນຈອດລົດ, ສວນຫຍ້າ, ເສົາຫລັກ ທຸງ ແລະ ລະບົບໄຟຟ້າ, ນ້ຳປະປາຄົບຊຸດ, ຊຶ່ງຈະໃຊ້ໄລຍະການກໍ່ສ້າງ 18 ເດືອນໃຫ້ສຳເລັດ.