ລາວເປີດອານຸສອນສະຖານຖ້ຳສັນຕິລາດຢູ່ແຂວງຫົວພັນ

ພິທີມອບ-ຮັບ ແລະ ເປີດນຳ ໃຊ້ອານຸສອນສະຖານຖ້ຳສັນຕິ ລາດ ຢູ່ເມືອງວຽງໄຊ ແຂວງຫົວພັນ ໄດ້ຈັດຂຶ້ນເມື່ອທ້າຍອາທິດຜ່ານມາ ໂດຍການເຂົ້າຮ່ວມຂອງທ່ານລັດ ຖະມົນຕີວ່າການກະຊວງປ້ອງ ກັນຄວາມສະຫງົບ ພົນຕີ ສົມແກ້ວ ສີລາວົງ.

ຮອງຫົວໜ້າກົມຄົ້ນຄວ້າວິ ທະຍາສາດ ແລະ ປະຫວັດສາດ ກະຊວງປ້ອງກັນຄວາມສະຫງົບ ໃຫ້ຮູ້ວ່າ: ສະຖານທີ່ສຳຄັນດັ່ງກ່າວ ຢູ່ຫ່າງຈາກເທສະບານເມືອງວຽງໄຊປະມານ 1,5 ກິໂລແມັດ ເຊິ່ງ ເມື່ອກ່ອນເຄີຍເປັນສະຖານທີ່ສຳ ຄັນຂອງກຳລັງປ້ອງກັນຄວາມສະຫງົບ ເພື່ອປົກປັກຮັກສາເຂດທີ່ໝັ້ນ, ປ້ອງກັນຜູ້ນຳພັກ-ລັດຂອງການ ປະຕິວັດ, ໂດຍມີຖ້ຳທ່ານຊົມຊື່ນ ຄຳພິທູນ, ຖ້ຳ

ຫ້ອງການສັນຕິ ລາດ, ຖ້ຳປະກອບອາວຸດ, ຖ້ຳພະ ລາທິການ ແລະ ຈຸທີ່ຕັ້ງກອງຮ້ອຍ 2.

ການບູລະນະສ້ອມແປງສະ ຖານທີ່ດັ່ງກ່າວໃຫ້ເປັນອານຸສອນ ປະຫວັດສາດສຳຄັນຂອງຊາດອີກແຫ່ງນີ້ກໍເພື່ອສະແດງຄວາມເຄົາ ລົບ, ຮູ້ບຸນຄຸນ, ຈາລຶກຄຸນງາມ ຄວາມດີ ແລະ ຜົນງານອັນໃຫຍ່ ຫລວງຂອງກຳລັງ ປກສ ຍາດມາ ໄດ້ໃນຫລາຍສິບປີຜ່ານມາ ແລະ ທັງເປັນການໂຄສະນາເຜີຍແຜ່ໃຫ້ ພະນັກງານ-ນັກຮົບໃນກຳລັງ ປກສ ລວມເຖິງມວນຊົນທັງພາຍ ໃນ ແລະ ນັກທ່ອງທ່ຽວຕ່າງປະ ເທດໄດ້ຮັບຮູ້ປະຫວັດຄວາມເປັນ ມາຂອງສະຖານທີ່ປະຫວັດສາດ ສຳຄັນດັ່ງກ່າວນຳດ້ວຍ.