ໄຟ​ໄໝ້ເຮືອນປະຊາຊົນ ຢູ່ບ້ານຫົວເມືອງ​ໃຕ້ ແຂວງສະຫວັນນະເຂດ ຍ້ອນດັງໄຟຄົວກິນ

          ເຈົ້າໜ້າທີ່ ມອດໄຟ ເມືອງໄກສອນ ພົມວິຫານ ແຂວງສະຫວັນນະເຂດ ໃຫ້ຮູ້ວ່າ: ເວລາປະ ມານ 9:30 ຂອງວັນທີ 3 ມີນານີ້, ເກີດໄຟໃໝ້ເຮືອນປະຊາຊົນ ຢູ່ບ້ານຫົວເມືອງໄຕ້, ເມືອງໄກສອນ ພົມວິຫານ ແຂວງສະຫວັນນະເຂດ, ຊຶ່ງເຈົ້າຂອງເຮືອນຊື່ທ້າວ ຕຸ ລັດສະໝີ ອາຍຸ 41 ປີ ຢູ່ບ້ານດັ່ງ ກ່າວ, ເປັນເຮືອນໄມ້ຊັ້ນດຽວ ໃນເວລາເກີດເຫດບໍ່ມີຄົນຢູ່ ແຕ່ເຈົ້າຂອງເຮືອນ ໄດ້ດັງໄຟຢູ່ເຮືອນຄົວປະໄວ້ ເພື່ອແຕ່ງກິນ, ໃນຂະນະນັ້ນ ຜູ້ເປັນເມຍຂອງທ້າວຕຸ ໄດ້ອອກໄປຕະຫລາດ ແຕ່ພໍກັບມາຮອດເຮືອນໄຟກໍໄດ້ລຸກ​ໄໝ້ໄປທົ່ວເຮືອນແລ້ວ, ລວມມູນຄ່າເສຍຫາຍປະມານ 50 ກວ່າລ້ານກີບ.

          ເຈົ້າໜ້າທີ່ ຍັງໄດ້ເຕືອນປະຊາຊົນ ຈົ່ງມີສະຕິລະວັງການໃຊ້ໄຟຟ້າ, ດັງໄຟ ແລະ ໄຕ້ທຽນບູຊາ ຫລັງຈາກສຳເລັດແລ້ວ ໃຫ້ດັບມອດທີ ເພືອປ້ອງກັນການເກີດອັກຄີໄພທີ່ຈະຕາມມາ.