ເຈົ້າໜ້າທີ່ພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງບໍລິຄຳໄຊ ລາຍງານໃຫ້ຮູ້ວ່າ: ໃນວັນທີ 25 ເມສານີ້, ໄດ້ຮັບແຈ້ງຈາກພົນລະເມືອງດີວ່າ: ມີກຸ່ມຄົນບໍ່ດີເຄື່ອນໄຫວຄ້າຂາຍຢາເສບຕິດຢູ່ເຂດບ້ານທົ່ງນາມີ
ເມືອງປາກກະດິງ ພວມມຸ້ງໜ້າເຂົ້າມາເມືອງປາກຊັນ, ຈາກນັ້ນ ເຈົ້າໜ້າທີ່ ກໍໄດ້ວາງກຳລັງຕິດຕາມເປົ້າໝາຍ, ມາຮອດເວລາປະມານ 20 ໂມງຂອງວັນດຽວກັນ ຈຶ່ງເຫັນເປົ້າໝາຍພວມຂົນສົ່ງຢາເສບຕິດມາຮອດເຂດບ້ານຫ້ວຍສຽດ ເມືອງປາກຊັນ, ເຈົ້າໜ້າທີ່ຈຶ່ງໄດ້ເຂົ້າຈັບກຸມຜູ້ຖືກຫາໄດ້ 2 ຄົນຄື:
ທ້າວ ຕົວຊົ່ງ ອາຍຸ
32 ປີ,
ຢູ່ບ້ານນ້ຳເດີນ ເມືອງຄຳເກີດ ແລະ ທ້າວ ເຕັ້ງຊົ່ງ ອາຍຸ
26 ປີ ຢູ່ບ້ານທົ່ງນາມີ
ເມືອງປາກກະດິງ ພ້ອມຂອງກາງກັນຊາຈຳນວນ 209 ກິໂລກລາມ, ລົດກະບະວີໂກ້ 1 ຄົນ. ຜ່ານການສືບສວນ-ສອບສວນພວກກ່ຽວທັງສອງໄດ້ຮັບສາລະພາບວ່າ: ໃນເວລາ 12 ໂມງຂອງວັນດຽວກັນ
ພວກກ່ຽວໄດ້ໄປຮັບເອົາກັນຊາຈຳນວນ 209 ກິໂລກລາມ ມາແຕ່ບ້ານຜາຂອດ ເມືອງວຽງທອງ ແຂວງບໍລິຄຳໄຊ ຈຸດປະສົງແມ່ນຈະເອົາມາຂາຍຢູ່ເຂດເມືອງປາກຊັນ ແຕ່ຖືກເຈົ້າໜ້າທີ່ສະກັດກັ້ນ ແລະ ຕ້ານຢາເສບຕິດກັກຕົວໄດ້ກ່ອນ, ຊຶ່ງປັດຈຸບັນເຈົ້າໜ້າທີ່ພວມເລັ່ງສືບສວນ-ສອບສວຍ ຂະຫຍາຍຜົນຫາພັກພວກກຸ່ມແກ້ງທີ່ຮ່ວມຂະບວນການດຽວກັນມາດຳເນີນຄະດີຕາມລະບຽບກົດໝາຍໃຫ້ໄດ້ໂດຍໄວ.
No comments:
Post a Comment