ສູນກາງສະຫະພັນກຳມະບານ ແລະ ສູນເລືອດແຫ່ງຊາດ, ໄດ້ຮ່ວມກັນຈັດກິດຈະ ກຳບໍລິຈາກເລືອດ ຂຶ້ນໃນວັນທີ 28 ເມສານີ້, ທີ່ໂຮງຮຽນທິດສະດີການເມືອງ-ການປົກ ຄອງ ນະຄອນຫລວງວຽງຈັນ, ເນື່ອງໃນໂອກາດວັນກຳມະກອນສາກົນ ຄົບ ຮອບ 130 ປີ (1 ພຶດສະພາ 1886 – 1 ພຶດສະພາ 2016), ເຊິ່ງມີຫລາຍພາກສ່ວນຈາກອົງການ ແລະ ກະຊວງຕ່າງໆອ້ອມຂ້າງສູນກາງເຂົ້າຮ່ວມເກືອບ 1.000 ຄົນ.
ທ່ານ ດຣ. ຈັນທະລາ ສຸກສາຄອນ ຫົວໜ້າສູນເລືອດແຫ່ງຊາດ ໃຫ້ຮູ້ວ່າ: ປັດຈຸ ບັນ, ຄົນເຈັບທີ່ນອນປິ່ນປົວຢູ່ຕາມໂຮງໝໍຕ່າງໆ ແມ່ນມີຄວາມຕ້ອງການເລືອດເປັນຈຳນວນຫລາຍ, ໂດຍສະເພາະ ຢູ່ນະຄອນຫລວງວຽງຈັນ ມື້ໜຶ່ງມີຄົນເຈັບຕ້ອງການເລືອດ ແຕ່ 80-100 ຖົງ, ແຕ່ກົງກັນຂ້າມສູນເລືອດ
ແຫ່ງຊາດສາມາດຕອບສະໜອງໄດ້ພຽງແຕ່ 50 ຖົງຕໍ່ມື້ເທົ່ານັ້ນ, ຊຶ່ງບໍ່ພຽງພໍກັບຄວາມຕ້ອງ ການ. ດັ່ງນັ້ນ, ພາກສ່ວນກ່ຽວຂ້ອງ ກໍຄືສູນເລືອດແຫ່ງຊາດ ຈຶ່ງໄດ້ພະຍາຍາມຈັດກິດຈະກຳບໍລິຈາກເລືອດນີ້ຂຶ້ນເປັນປະຈໍາຕາມສະຖານທີ່ຕ່າງໆໃນຂອບເຂດທົ່ວປະເທດ, ເພື່ອເປັນການສະສົມ ແລະ ສາ ມາດຕອບສະໜອງເລືອດໃຫ້ຄົນເຈັບໄດ້ຢ່າງພຽງພໍ
ເພື່ອກອບກູ້ເອົາຊີວິດຂອງເຂົາເຈົ້າ ດັ່ງນັ້ນ ຈຶ່ງຮຽກຮ້ອງມາຍັງທຸກພາກສ່ວນ ຈົ່ງພ້ອມພາກັນຫັນມາບໍລິຈາກເລືອດໃຫ້ຫລາຍຂຶ້ນເພື່ອຊ່ວຍເອົາຊີວິດຂອງຄົນເຈັບ ແລະ ຜູ້ທີ່ຂາດເຂີນເລືອດໃຫ້ທັນເວລາ.
No comments:
Post a Comment