ວັນທີ
26 ເມສານີ້, ທີ່ສູນການຄ້າລາວ-ໄອເຕັກ ນະຄອນ ຫລວງວຽງຈັນ, ໄດ້ໄຂງານມະຫາກຳຊັບສິນທາງປັນຍາ ປະຈຳປີ
2016 ຂຶ້ນ ພາຍໃຕ້ຄຳຂວັນທີ່ວ່າ: ເສີມສ້າງຊັບສິນທາງປັນຍາ ເພື່ອພັດທະນາເສດຖະກິດ-ສັງຄົມ ແບບຍືນຍົງ, ໂດຍການເປັນປະທານຂອງທ່ານ ສຈ.
ດຣ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ
ເຕັກໂນໂລຊີ,
ມີທ່ານ ເຢ ມິນ ທານ
(YE MIN THAN) ເຈົ້າໜ້າທີ່ອາວຸໂສ ຜູ້ຮັບຜິດຊອບແຜນງານປະຈຳພາກພື້ນອາຊີ ແລະ ປາຊີຟິກ ອົງການຊັບສິນທາງປັນຍາໂລກ, ເຈນີວາ, ສະວິດເຊີແລນ ແລະ ພາກສ່ວນກ່ຽວຂ້ອງພ້ອມດ້ວຍມວນຊົນເຂົ້າຮ່ວມເປັນຈຳນວນຫລວງຫລາຍ.
ທ່ານລັດຖະມົນຕີກະຊວງວິທະຍາສາດ ແລະ
ເຕັກໂນໂລຊີ ກ່າວວ່າ: ງານດັ່ງກ່າວ ຈະດຳເນີນໄປເປັນເວລາ 7 ວັນ (26 ເມສາ-2 ພຶດສະພາ), ເພື່ອເປີດໂອ ກາດໃຫ້ບັນດານັກປະດິດຄິດແຕ່ງ ແລະ ຜູ້ປະກອບການໄດ້ມີເວທີພົບປະ,
ແລກປ່ຽນ, ຊື້-ຂາຍ ແລະ ສະເໜີຜົນງານທາງດ້ານຊັບສິນທາງປັນຍາ ແລະ ພູມປັນຍາທ້ອງຖິ່ນຂອງຕົນ, ທັງເປັນການປະກອບສ່ວນພັດທະນາເສດຖະກິດ-ສັງຄົມໃຫ້ມີຄວາມເຂັ້ມແຂງ, ຊຸກຍູ້ ສົ່ງເສີມການຮ່ວມມື
ແລະ ການແຂ່ງຂັນທາງດ້ານທຸລະກິດການຄ້າໃນບັນດາປະເທດອາຊຽນນຳອີກ. ນອກນີ້ ງານດັ່ງກ່າວ ຍັງເປັນການປູກຈິດສຳນຶກຄວາມຮູ້ທາງດ້ານຊັບສິນທາງປັນຍາ ໃຫ້ເຫັນໄດ້ເຖິງຄວາມສຳຄັນຂອງວຽກງານດັ່ງກ່າວ ຕໍ່ການພັດທະນາເສດຖະກິດ ແລະ ວັດທະນະທຳ-ສັງຄົມ ໂດຍສະເພາະ ມວນຊົນ, ນັກຄົ້ນຄວ້າ, ນັກວິທະຍາສາດ, ນັກປະດິດສ້າງ, ນັກຮຽນຮູ້, ນັກສຶກສາ ສາມາດຮັບຮູ້ຂໍ້ມູນຂ່ານກ່ຽວກັບວຽກງານຄຸ້ມຄອງ ແລະ ການປົກປ້ອງຊັບສິນທາງປັນຍາເຊັ່ນ: ສິດທິບັດ, ອະນຸສິດທິບັດ, ແບບອຸດສາຫະກຳ, ແບບຜັງວົງຈອນລວມ, ເຄື່ອງໝາຍການຄ້າ, ແຫລ່ງກຳເນີດ,
ພັນພືດໃໝ່, ລິຂະສິດ ແລະ ສິດກ່ຽວຂ້ອງກັບລິຂະສິດ ແລະ ພູມປັນຍາທ້ອງຖິ່ນໃນການພັດທະ ນາເສດຖະກິດ-ສັງຄົມນຳດ້ວຍ.
No comments:
Post a Comment