ທ່ານ ທອງລຸນ ສີສຸລິດ
ນາຍົກລັດຖະມົນຕີ, ໄດ້ຕາງໜ້າຄະນະລັດຖະບານຊຸດໃໝ່ຮຽກຮ້ອງຜ່ານກອງປະຊຸມຄັ້ງປະຖົມມະລືກຂອງສະພາແຫ່ງຊາດຊຸຸດທີ VIII ທີ່ສໍາເລັດລົງເມື່ອບໍ່ດົນນີ້, ເພື່ອຂໍແຮງໃຈຈາກທຸກພາກສ່ວນໃນການສະໜັບສະໜູນການຈັດຕັ້ງແຜນພັດທະນາເສດຖະກິດ-ສັງູຄົມແຫ່ງຊາດຄັ້ງທີ VIII ໃຫ້ບັນລຸຜົນສໍາເລັດທ່ານນາຍົກລັດຖະມົນຕີກ່າວວ່າ: ເພື່ອເຮັດໃຫ້ການບໍລິຫານປະ ເທດຂອງລັດຖະບານມີຜົນສໍາເລັດ, ໂດຍສະເພາະການແກ້ໄຂບັນດາຂໍ້ຄົງຄ້າງໃນໄລຍະຜ່ານມາໃຫ້ລຸລ່ວງໄປດ້ວຍດີ, ກໍຄືການປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກ
ແລະ ແຜນພັດທະນາເສດຖະ ກິດ-ສັງຄົມແຫ່ງຊາດ 5 ປີຄັ້ງທີ
VIII ໃຫ້ມີຜົນສໍາເລັດດີເພື່ອນໍາເອົາປະເທດຊາດໄປສູ່ຈຸດໝາຍວາງໄວ້ນັ້ນຈຶ່ງຮຽກຮ້ອງມາຍັງອົງການຈັດຕັ້ງພັກ-ລັດ, ອົງການຈັດຕັ້ງມະຫາຊົນ, ນັກທຸລະກິດ, ຜູ້ປະກອບການ
ແລະ ປະຊາຊົນບັນດາເຜົ່າໃນທົ່ວປະເທດໃຫ້ການສະໜັບສະໜູນຊ່ວຍເຫລືອການປະຕິ ບັດໜ້າທີ່ຂອງລັດຖະບານເຮັດສໍາເລັດພາລະກິດອັນໃຫຍ່ຫລວງທີ່ພັກ, ສະພາແຫ່ງຊາດ ແລະ
ປະຊາຊົນມອບໝາຍໃຫ້.
ທ່ານນາຍົກລັດຖະມົນຕີກ່າວຢໍ້າວ່າ: ໃນຕໍ່ໜ້ານີ້, ພວກເຮົາຕ້ອງໄດ້ພ້ອມກັນເຮັດວຽກຢ່າງໜັກໜ່ວງເພື່ອແກ້ໄຂສິ່ງທ້າທາຍຕ່າງໆໃນການພັດທະນາປະເທດເຊັ່ນ: ປັບປຸງກົນໄກຕ່າງໆທີ່ຈໍາເປັນເພື່ອສ້າງຄວາມໝັ້ນທ່ຽງຂອງເສດຖະກິດມະຫາພາກ, ສ້າງພູມຕ້ານທານປ້ອງກັນຄວາມສ່ຽງບໍ່ໃຫ້ເສດຖະກິດຂອງປະເທດທົດຖອຍຫລືຕົກຢູ່ໃນສະພາບຢໍ້າເທົ່າ, ອັນສໍາຄັນຕ້ອງໄດ້ເອົາຈິງເອົາຈັງວິໄນແຜນການ, ການເງິນ, ນະໂຍບາຍເງິນຕາໃຫ້ເຂົ້າສູ່ລະບົບທັນສະໄໝ, ໂປ່ງໃສແລະກວດກາໄດ້, ເພີ່ມທະວີການຂະຫຍາຍຖານການຜະລິດ, ຕະຫລາດ
ແລະ ຊຸກຍູ້ການຫັນເປັນອຸດສະຫະກໍາ ແລະ
ທັນສະໄໝ, ຄຽງຄູ່ກັບການສົ່ງເສີມຢ່າງແຂງແຮງທຸລະກິດຂະໜາດນ້ອຍ ແລະ ກາງໃຫ້ແຂງແຮງເພື່ອສ້າງເງື່ອນໄຂໃຫ້ປະຊາຊົນ ແລະ ຜູ້ຜະລິດຢູ່ຊົນນະບົດຫ່າງໄກສອກຫລີກໄດ້ເຂົ້າເຖິງແຫລ່ງທຶນ ແລະຕະຫລາດຫລາຍຂຶ້ນ, ສົ່ງເສີມ,
ຊຸກຍູ້ ແລະ
ຄວບຄຸມຄວບຄຸມການລົງທຶນພາຍໃນ ແລະ ຕ່າງປະເທດ,ຕ້ອງບຸກທະລຸທັບມ້າງບັນດາກົນໄກທີ່ອຸດຕັນໃຫ້ມີບາດກ້າວໃໝ່ທີ່ແທ້ຈິງ, ມີກົນໄກບໍລິການທີ່ດີ, ໂປ່ງໃສ,
ວ່ອງໄວກວ່າເກົ່າເພື່ອສາມາດຍາດແຍ່ງການລົງທຶນໃຫ້ໄດ້ຫລາຍໃນເງື່ອນໄຂການເຊື່ອມໂຍງກັບພາກພື້ນແລະສາກົນສູງຂຶ້ນ, ປັບປຸງກົນໄກຕ່າງໆທີ່ມີແລ້ວໃຫ້ເພີ່ມທະວີຄວາມຮັບພິຊອບ, ເພີ່ມນໍ້າໃຈຮັບໃຊ້ປະຊາຊົນ, ແກ້ໄຂພະຍາດອາດຍາສິດ,
ຂາດຄວາມຮັບພິຊອບໃນຖັນແຖວພະນັກງາລັດຖະ ກອນຢູ່ທຸກລະດັບ ແລະ
ທຸກອົງກອນຂອງລັດ, ໃຫ້ເພີ່ມທະວີການສ້າງຈິດສໍານຶກຮັບໃຊ້ຊາດ, ຮັບໃຊ້ປະຊາຊົນຄືນໃໝ່,
ເອົາໃຈໃສ່ວຽກງານກວດກາ, ກວດສອບໃຫ້ເປັນປົກກະຕິ ແລະ
ມີຄວາມເຄັ່ງຄັດ, ເດັດຂາດ, ປະຕິບັດມາດຕະການປະຢັດມັດທະຍັດ, ປະຢັດງົບປະມານ, ທຶນຮອນ,
ເວລາ ແລະ
ຊັບພະຍາກອນ, ສືບຕໍ່ປະຕິບັດກົດໝາຍຢ່າງເຂັ້ມງວດ ແລະ
ເປັນຮູບປະທໍາໄປພ້ອມໆກັບການປັບປຸງແລະສ້າງກົດໝາຍຂຶ້ນຕື່ມທີ່ແທດເໝາະກັບສະພາບຄວາມເປັນຈິງຂອງປະເທດເຮົາ, ຂະນະດຽວກັນກໍເລັ່ງສືບຕໍ່ປັບປຸງ, ສ້າງຕັ້ງສະຖາບັນຄົ້ນຄວ້າ, ສະຖາບັນວິທະຍາສາດເພື່ອສົ່ງເສີມການຄົ້ນຄວ້າວິໄຈດ້ານຕ່າງໆເຂົ້າໃນການວາງນະໂຍບາຍ, ຂໍ້ກໍານົດ,
ກົດລະບຽບເພື່ອບໍລິຫານປະເທດໃຫ້ມີປະສິດທິພາບ ແລະ
ປະສິດທິຜົນສູງ.
No comments:
Post a Comment