ການປະກວດນາງສັງຂານປະຈໍາປີ ພສ
2559 ຢູ່ເມືອງໄກສອນ ພົມວິຫານ,
ແຂວງສະຫວັນນະເຂດ, ໄດ້ຈັດຂຶ້ນໃນຄໍ່າຄືນຂອງວັນທີ
2 ເມສານີ້ຢູ່ສູນການຄ້າສະຫວັນ-ໄອເຕັກ, ໂດຍການເຂົ້າຮ່ວມຂອງທ່ານ ຄໍາພູນ ຕຸໄພທູນ ຮອງເຈົ້າແຂວງສະຫວັນນະເຂດ, ພ້ອມດ້ວຍພໍ່ແມ່ປະຊາຊົນພາຍໃນເມືອງດັ່ງກ່າວເຂົ້າຮ່ວມຊົມ, ຮ່ວມເຊຍ ແລະ ໃຫ້ກໍາລັງໃຈການປະກວດຄັ້ງນີຢ່າງຫລວງຫລາຍ, ໂດຍຜູ້ຊະນະເລີດໄດ້ຮັບຄັດເລືອກເປັນນາງສັງຂານຂອງເມືອງແມ່ນນາງ ແສງຕາວັນ ສຸຄໍາທັດ ຮອງອັນດັບໜຶ່ງແມ່ນນາງ ກິນນາລີ ແລະ ຮອງອັນດັບສອງແມ່ນນາງ ແອນນາ ສາສີສົມດີ, ໂດຍທ່ານຮອງເຈົ້າແຂວງສະຫວັນນະເຂດໄດ້ໃຫ້ກຽດຂຶ້ນມອບລາງວັນໃຫ້ນາງສາວທີ່ໄດ້ຮັບຄັດເລືອກດັ່ງ ກ່າວ.
ງານປະກວດຄັ້ງນີ້ຈັດຂຶ້ນເພື່ອເປັນການສົ່ງເສີມວັດທະນາທໍາຮີດຄອງປະເພນີອັນດີງາມຂອງລາວ ແລະ ເປັນການຊຸກຍູ້ສົ່ງເສີມຄວາມກ້າວໜ້າຂອງແມ່ຍິງໃນການສະແດງອອກດ້ານຄວາມຮູ້, ຄວາມສາມາດ
ແລະ ພອນສະຫວັນ ແລະ ທັງເປັນສ່ວນໜຶ່ງຂອງກິດຈະກໍາການສະເຫລີມສະຫລອງບຸນປີໃໝ່ລາວປີນີໃຫ້ມີບັນຍາກາດຟົດຟື້ນມ່ວນຊື່ນ ແລະ ສາມາດດຶງດູດນັກທ່ອງທ່ຽວໃຫ້ເຂົ້າມາທ່ຽວປະເທດລາວເວົ້າລວມ, ເວົ້າສະເພາະແມ່ນແຂວງສະຫວັນນະເຂດນັບມື້ເພີ່ມຂຶ້ນ.
No comments:
Post a Comment