ວັນທີ
5 ເມສານີ້, ຢູ່ສະມາຄົມນັກຂ່າວແຫ່ງປະເທດລາວ ທ່ານ ພອນໄຊ ປະທານສະ ມາ
ຄົມສະຖາປາະນິກ ແລະ ວິສາວະກອນກໍ່ສ້າງລາວໄດ້ຖະແຫຼ່ງຕໍ່ສືມວນຊົນວ່າ: ງານວາງສະແດງຜົນງານດ້ານສະຖາປັດຕະຍະກຳ
ແລະ ວິສາວະກຳການກໍ່ສ້າງ ປະຈຳປີ 2016 (
ALACE EXPO 2016 ) ຈະຈັດຂື້ນໃນວັນທີ 7 – 10 ເມສານີ້, ຢູ່ສູນການຄ້າວຽງຈັນເຊີເຕີ, ນະຄອນຫຼວງວຽງຈັນ, ພາຍໃນງານຈະມີຫຼາຍໆກິດຈະກຳເຊັ່ນ: ການນຳສະເໜີໂຄງການກໍ່ສ້າງເຄຫະສະຖານ, ດ້ານຜັງເມືອງ, ຄົມມະນາຄົມຂົນສົ່ງທີ່ພົ້ນເດັ່ນໃນໄລຍະຜ່ານມາ
ແລະ ໃນປັດຈຸບັນ, ການວາງສະແດງ ແລະ ຂາຍສິນຄ້າປະເພດວັດສະດຸກໍ່ສ້າງ, ເຕັກໂນໂລຊີທີ່ທັນສະໄໝຈາກທັງພາຍໃນ ແລະ ຕ່າງປະເທດຫຼາຍກວ່າ 40 ບໍລິສັດ, ພ້ອມນັ້ນຍັງ
ຈັດໃຫ້ມີການປະກວດແຂ່ງຂັນແບບ, ສະຖາປັດຕະຍະກຳປະຈຳປີຈາກນັກອອກແບບ, ນັກສະຖາປະນິກ ແລະ ວິສະວະກອນໜຸ່ມ ແລະ ບໍລິສັດຕ່າງໆ, ພິເສດແມ່ນຈະມີສຳມະນາວິຊາການເຜີຍແຜ່ດ້ານເຕັກໂນໂລຊີ
ແລະ ນະວັດຕະກຳສຳລັບການກໍ່ສ້າງແບບໃໝ່ທີ່ທັນສະໄໝ, ຈາກວິທະຍາກອນທີ່ເປັນສະຖາປານິກທີ່ມີຊື່ສຽງຈາກຕ່າງປະເທດ, ພ້ອມນັ້ນງານດັ່ງກ່າວຍັງເປີດໂອກາດໃຫ້ມີການພົບປະລະຫວ່າງນັກທຸລະກິດ, ບໍລິສັດອອກແບບດ້ານທີ່ປຶກສາການກໍ່ສ້າງ ແລະ ການຄ້າ-ຂາຍວັດສະຖຸກໍ່ສ້າງ.
ປະທານສະມາຄົມດັ່ງກ່າວໃຫ້ຮູ້ອີກວ່າ: ງານດັ່ງກ່າວແມ່ນຈັດຂຶ້ນທຸກປີ ແລະ ປີນີ້ກໍເປັນປີທີ
5 ແລ້ວ ແລະ ຫວັງວ່າງານຄັ້ງນີ້ຈະປະກອບສ່ວນສຳຄັນເຂົ້າໃນການພັດທະນາວຽກງານສະຖາປາະນິກ ແລະ ວິສາວະກອນກໍ່ສ້າງລາວໃຫ້ກ້າວໜ້າຂຶ້ນ.
No comments:
Post a Comment