ການສອບເສັງນັກຮຽນເກັ່ງຊັ້ນປະຖົມສຶກສາທົ່ວປະເທດ ປະຈຳສົກຮຽນ 2015-2016, ໄດ້ຈັດຂຶ້ນໃນວັນທີ 27-29 ເມສານີ້, ທີ່ນະຄອນຫລວງວຽງຈັນ, ໂດຍມີນັກສອບ ເສັງເຂົ້າຮ່ວມທັງໝົດ
54 ຄົນ, ຍິງ 35 ຄົນ, ເຊິ່ງໄດ້ສອບເສັງໃນ 3 ວິຊາຄື:
ຄະນິດ ສາດ,
ພາສາລາວ ແລະ ໂລກອ້ອມຕົວ.
ທ່ານ
ທອງຜິວ ບຸດສະດີ ຜູ້ຊ່ວຍລັດຖະມົນຕີກະຊວງສຶກສາທິການ ແລະ ກິລາ ກ່າວວ່າ:
ການສອບເສັງດັ່ງກ່າວ ເພື່ອເປັນການວັດແທກ ແລະ ປະເມີນຜົນຂອງການສິດສອນ-ຮ່ຳຮຽນຂອງຄູ ແລະ ນັກຮຽນໃນສົກຮຽນ, ເພື່ອຄັດເລືອກ ແລະ ສົ່ງເສີມນັກຮຽນເກັ່ງທີ່ມີພອນສະຫວັນ ໃນແຕ່ລະ
ວິຊາ ໃນການເປັນຕົວແທນຂອງຊາດ ເຂົ້າຮ່ວມການແຂ່ງຂັນລະດັບພາກ ພື້ນ ແລະ
ສາກົນ.
ຜົນການສອບເສັງແມ່ນຈະປະກາດໃນທ້າຍເດືອນເມສານີ້, ທີ່ມະຫາວິທະຍາໄລແຫ່ງຊາດ, ຊຶ່ງນັກຮຽນເກັ່ງທີ່ໄດ້ອັນດັບທີ 1, 2 ແລະ 3 ຈະໄດ້ຮັບ ໃບຢັ້ງຢືນ, ໃບຍ້ອງຍໍ
ແລະ ທຶນການ
ສຶກສາຈຳ ນວນໜຶ່ງພ້ອມທັງຫລຽນນັກຮຽນເກັ່ງ, ຈາກລັດຖະມົນຕີກະຊວງສຶກສາທິການ ແລະ ກິລາ
ອີກດ້ວຍ.
No comments:
Post a Comment