ເກີດເຫດລົມພາຍຸພັດຖະຫລົ່ມບ້ານເຮືອນຊາວບ້ານຈຸດສຸມຕັງອາໄລ ເມືອງນອງ ເສຍຫາຍເປັນຈຳນວນຫລາຍ

        ໃນຕອນບ່າຍຂອງວັນທີ 26 ເມສາຜ່ານມານີ້, ໄດ້ມີລົມພາຍຸພັດຖະຫລົ່ມບ້ານເຮືອນປະຊາຊົນ ບ້ານຕັງອາໄລ ເມືອງນອງ ແຂວງສະຫວັນນະເຂດ ເຮັດໃຫ້ເຮືອນຊາຍເປ່ເພ ເສຍຫາຍຫລາຍສົມ ຄວນຄື: ມີເຮືອນຊານຫັກລົ້ມເປ່ເພ 26 ຫລັງ, ໃນນັ້ນເສຍຫາຍໜັກ 5 ຫລັງ, ພ້ອມທັງເຄື່ອງຮັບໃຊ້ຄົວເຮືອນ ອີກຈຳນວນຫລາຍ, ມີເສົາໄຟຟ້າ ແລະ ຕົ້ນໄມ້ກິນໝາກຫັກ ເປັນຈຳນວນຫລາຍ ແລະ ຍັງເຮັດໃຫ້ ມີຜູ້ໄດ້ຮັບບາດເຈັບ 1 ຄົນ ເປັນເດັກອາຍຸ 16 ປີ ຄາດວ່າຈະມີມູນຄ່າເສຍຫາຍທັງໝົດປະມານ 170 ລ້ານກີບ.