ບໍ່ຄຳເຊໂປນຈະສືບຕໍ່ສະໜັບສະໜູນວຽກງານໂພຊະນາການຂອງລາວ

ທ່ານ ແອນດຣິວ ມິດແຊວມໍ ອຳນວຍການໃຫຍ່ບໍລິສັດບໍ່ຄຳເຊໂປນ (MMG)ກ່າວໃນພິທີສະ ຫຼອງຜົນສຳເລັດຂອງການຈັດຕັ້ງປະຕິດບັດໂຄງການໂພສະນາການ 1000 ວັນ ໄລຍະທີ 1 ເມື່ອມໍ່ໆມານີ້ວ່າ: ພາຍຫຼັງທີ່ງຈັດຕັ້ງປະຕິບັດໂຄງການໂພສະນາການ 1000 ວັນໄລຍະທີ 1 ແລະ ເຫັນວ່າມີຜົນສຳເລັດຕາມລະດັບຄາດໝາຍ,ດັ່ງນັ້ນບໍລິສັດ MMG ຍັງຈະສືບຕໍ່ສະໜັບສະໜູນໂຄງການດັ່ງກ່າວໄລຍະທີ 2 ຢູ່ 4 ແຂວງຂອງລາວ,ໃນມູນຄ່າ 1,39 ລ້ານໂດລາສະຫາລັດ,ເພື່ອສະໜັບສະໜູນວຽກງານໂພຊະນະການ,ກໍຄືວຽກງານສຸຂະພາບແມ່ ແລະ ເດັກຢູ່ລາວ,ໂດຍການຮ່ວມມືກັບກະຊວງສາທາລະນະສຸກ,ສູນກາງສະຫະພັນແມ່ຍິງລາວ ແລະ ອົງ ການສະຫະປະຊາຊາດເພື່ອແມ່ ແລະ ເດັກ (UNICEF ) ປະຈຳລາວ, ສຳລັບໂຄງການ ໄລຍະທີ 2 ແມ່ນຈະສານຕໍ່ຜົນສຳເລັດໃນໄລຍະທີ່ 1 ຜ່ານມາ ແລະ ຂະຫຍາຍ ການ

ບໍລິການດ້ານໂພຊະນາການ,ລວມທັງການແຈກຢາຍຝຸ່ນວິຕາ ມິນ ແລະ ເກືອແຮ່ ຜ່ານສຸກສາລາ ແລະ ຈຸດບໍລິການເຜີຍແຜ່ຂໍ້ມູນດ້ານສາທາລະນະ ສຸກຕ່າງໆໃຫ້ແກ່ເດັກ ນ້ອຍປະມານ 270 ພັນຄົນ,ໃນ 22 ເມືອງ ຢູ່ 4 ແຂວງຄື: ສະຫວັນນະເຂດ, ສາລະວັນ, ອັດຕະປື ແລະ ຫົວພັນ.

ອຳນວຍການໃຫຍ່ບໍລິສັດດັ່ງກ່າວໃຫ້ຮູ້ວ່າ: ໂຄງການໂພຊະນະການ 1000 ວັນ,ຈະສຸ່ມໃສ່ 1000 ວັນທຳອິດຂອງອາຍຸເດັກ,ນັບແຕ່ໄລຍະຖືພາຈົນເຖິງອາຍຸໄດ້ 2 ປີ,ຊຶ່ງເປັນໄລຍະສຳຄັນຂອງການພັດທະນາໃນໄວເດັກ, ເພື່ອພັດທະນາທາງສະໝອງ ແລະ ທາງກາຍຍະພາບ, ຫຼຸດຜ່ອນອັດຕາການເຕ້ຍຂອງເດັກ ແລະ ການຂາດທາດສັງກະສີທີ່ພາໃຫ້ເປັນພະຍາດເລືອດຈາງໃນເດັກຜ່ານແຜນງານສຸຂະສຶກສາແກ່ຊຸມຊົນ ແລະ ການແຈກຢາຍຝຸ່ນວິຕາມິນ ແລະ ເກືອແຮ່ທີ່ຈຳເປັນ,ທີ່ເປັນສາເຫດອັນດັບໜຶ່ງຂອງການຂາດສານອາຫານໃຫ້ແກ່ເດັກທີ່ທຸກຍາກ ຂາດເຂີນ,ເຂດຫ່າງໄກສອກຫຼີກ.