ສະຫາຍເລຂາທິການໃຫຍ່, ປະທານປະເທດ ບຸນຍັງ ວໍລະຈິດ ຈະຢ້ຽມຢາມ ສປຈີນ ຢ່າງເປັນທາງການລະຫວ່າງວັນທີ 3-5 ພຶດສະພາ

          ໂດຍຕອບສະໜອງຕາມການເຊື້ອເຊີນຂອງສະຫາຍ ສີຈີນຜິງ ເລຂາທິການໃຫຍ່ຄະນະກໍາ ມະການສູນກາງພັກກອມມູນິດຈີນ, ປະທານປະເທດແຫ່ງສາທາລະນະລັດ ປະຊາຊົນຈີນ, ສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານ ປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ, ພ້ອມຄະນະຜູ້ແທນຂັ້ນສູງພັກ-ລັດລາວ ຈະເດີນທາງຢ້ຽມຢາມສັນຖະວະໄມຕີ ສາທາລະນະລັດ ປະຊາຊົນຈີນ ຢ່າງເປັນທາງການແຕ່ວັນທີ 3-5 ພຶດສະພານີ້.