ວັນທີ
4 ພຶດສະພານີ້, ກະຊວງປ້ອງກັນປະເທດ ໄດ້ຈັດປາຖະ ກະຖາລະນຶກວັນໄຊຊະນະ ປົດປ່ອຍພາກໃຕ້ຫວຽດນາມ ຄົບຮອບ 41 ປີ (30/4/1975
- 30/4/2106) ໂດຍມີສະຫາຍ ພັ.ອ ຕາວວັນທາຍ ທີ່ປຶກສາທູດຝ່າຍທະຫານ ສສ ຫວຽດນາມ ປະຈຳລາວ
ແລະ ບັນດາສະຫາຍ ຄະນະນຳກະຊວງປ້ອງກັນປະເທດເຂົ້າຮ່ວມ.
ສະຫາຍ
ພົ.ວ ສອນທອງ ພົມລາວົງ ຮອງຫົວໜ້າກົມໃຫຍ່ການເມືອງກອງທັບ ກ່່າວວ່າ: ກ່ອນໜ້ານີ້ 41 ປີ
ແມ່ນວັນໄຊຊະນະຂອງຊາດຫວຽດນາມ ເປັນຂີດໝາຍ ແລະ ເປັນບາດລ້ຽວປະຫວັດສາດສຳຄັນຍິ່ງຂອງຊາດຫວຽດນາມ, ແມ່ນບັ້ນຮົບສຸດທ້າຍ ໃນການຕໍ່ສູ້ເພື່ອທ້ອນໂຮມປະເທດຫວຽດນາມ ເປັນເອກະພາບອັນໜຶ່ງອັນດຽວ, ແມ່ນໄຊຊະນະຂອງກອງທັບ ແລະ
ປະຊາຊົນຫວຽດນາມ ໃນຂະບວນວິ ວັດແຫ່ງການຕໍ່ສູ້ກູ້ຊາດ ຕ້ານຈັກກະພັດຜູ້ຮຸກຮ້ານ, ແມ່ນໝາກຜົນອັນຍິ່ງໃຫຍ່ໃນຂະບວນການປົດປ່ອຍຊາດ, ປົດປ່ອຍສັງຄົມ ໂດຍແມ່ນພັກກອມມູນິດຫວຽດນາມ ແລະ ປະທານໂຮ່ຈິມິງ ເປັນຜູ້ນຳພາສ້າງປະຫວັດສາດທີ່ພິລະອາດຫານ ແລະ ສະຫວ່າງສະໄຫວໃນຂະບວນວິວັດແຫ່ງການກໍ່ຕັ້ງ ແລະ ປົກປັກຮັກສາປະເທດຊາດຫວຽດນາມ ນັບເປັນພັນໆປີຜ່ານມາ,
ໄຊຊະນະຂອງກອງທັບ ແລະ ປະ ຊາຊົນຫວຽດນາມ ໃນການຕໍ່ສູ້ປົດປ່ອຍພາກໃຕ້ຫວຽດນາມ, ເປັນກຳລັງແຮງທີ່ຊະນະເລີດໃນການປະຕິບັດສອງໜ້າທີ່ຍຸດທະສາດ ແລະ ພິໄນກຳທີ່ຊັກກາລະບູຊາ ໃຫ້ແກ່ຮຸ້ນລູກຮຸ້ນຫລານ ຂອງສອງຊາດ ລາວ- ຫວຽດນາມ ສືບທອດປະຕິບັດຊົ່ວກາລະນານ. ຍ້ອນວ່າມະຫາໄຊຊະນະດັ່ງກ່າວ ໄດ້ສ້າງກາລະໂອກາດພັນປີມີເທື່ອໜຶ່ງ ໃຫ້ການປະຕິວັດລາວ ແລະ ພັກປະຊາຊົນປະຕິວັດລາວ ປຸກລະດົມນຳພາປະຊາຊົນລາວບັນດາເຜົ່າ ລຸກຂຶ້ນຕໍ່ສູ້ປົດປ່ອຍຊາດ ຍຶດເອົາອຳນາດມາສູ່ປະຊາຊົນ ແລະ ກ້າວໄປເຖິງສະຖາປະນາປະເທດຊາດ ເປັນ ສາທາລະນະລັດ ປະຊາທິປະໄຕ ປະຊາຊົນລາວ ຂຶ້ນໃນວັນທີ 2 ທັນວາ 1975 ຢ່າງສະຫງ່າຜ່າເຜີຍ.
ສະຫາຍ
ພົ.ວ ສອນທອງ ພົມລາວົງ ກ່າວຕື່ມວ່າ: ຕາງໜ້າຄະນະນຳກະຊວງປ້ອງກັນປະເທດ ຂໍສະແດງຄວາມຂອບອົກຂອບໃຈຢ່າງຈິງຈັງມາຍັງ ພັກ-ລັດ, ພະນັກງານ-ນັກຮົບ ແລະ ປະຊາຊົນຫວຽດ ນາມອ້າຍນ້ອງ ທີ່ໄດ້ໃຫ້ການຊ່ວຍເຫລືອ
ແລະ ສະໜັບສະໜູນແກ່ພາລະກິດປະຕິວັດຂອງປະ
ຊາຊົນລາວ ກໍຄືກອງທັບພວກເຮົາຕະຫລອດມາ ພ້ອມນີ້ ຢືນຢັນຈະສືບຕໍ່ຮ່ວມມືກັບ ພັກ-ລັດ, ກອງ ທັບ
ແລະ ປະຊາ ຊົນຫວຽດນາມອ້າຍນ້ອງ
ເຮັດສຸດຄວາມສາມາດຂອງຕົນເພື່ອປົກປັກຮັກສາ, ເສີມຂະຫຍາຍສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ ເພື່ອສະແດງຄວາມຈົ່ງຮັກພັກດີ ແລະ ເຈດຕະນາລົມຂອງປະທ່ານ ໂຮ່ຈິມິງ ຜູ້ນຳທີ່ຍິ່ງໃຫຍ່, ປະທານ ໄກສອນ ພົມວິຫານ ແລະ ປະທານ ສຸພານຸວົງ ຜູ້ນຳທີ່ເຄົາລົບຮັກເປັນຜູ້ກໍຕັ້ງເພີ່ມພູນຄູນສ້າງ ແລະ ອົບຮົມສັ່ງ ສອນ, ພ້ອມເຊື່ອໝັ້ນຢ່າງໜັກແໜ້ນວ່າ ມິດຕະພາບອັນຍິ່ງໃຫຍ່ລະ ຫວ່າງສອງຊາດ ຈະໝັ້ນຄົງຂະໜົງແກ່ນ ເໝືອນດັ່ງສາຍພູຫລວງ, ການຮ່ວມມືລະຫວ່າງສອງປະເທດ ຈະເກີດດອກອອກຜົນບໍ່ເຫືອດແຫ້ງ ເໝືອນດັ່ງສາຍນ້ຳຂອງ ແລະ ແມ່ນ້ຳຮົ່ງຮາ ຂອງພວກເຮົາ.
No comments:
Post a Comment