ທ້າວ ຕົງກູຊົງ ອາຍຸ
32 ປີ ຢູ່ບ້ານໂພນຄຳ
ເມືອງໂພນໂຮງ ແຂວງວຽງຈັນ ຖືກເຈົ້າໜ້າທີ່ ປກສ
ເມືອງຄູນຄຳ
ແຂວງຄຳມ່ວນ ຈັບຕົວໃນຂະນະຂັບລົດກະບະຂົນສົ່ງຢາເສບຕິດປະເພດຢາບ້າເປັນຈຳນວນຫລາຍໄປໃຫ້ລູກຄ້າຜ່ານເຂດເມືອງດັ່ງກ່າວເມື່ອບໍ່ດົນມານີ້.
ເຈົ້າໜ້າທີ່ໃຫ້ຮູ້ວ່າ: ການຈັບຕົວຜູ້ຄ້າຂາຍຢາເສບຕິດຕົວອັນຕະລາຍຄັ້ງນີ້ມີຂຶ້ນພາຍຫລັງໄດ້ຮັບແຈ້ງຈາກພົນລະເມືອງດີວ່າຈະມີການຂົນສົ່ງຢາເສບຕິດເປັນຈຳນວນຫລາຍຜ່ານເຂດເມືອງຄູນຄຳ ຈຶ່ງໄດ້ຈັດກຳລັງລົງກວດກາຕາມສາຍທາງສຳຄັນຫລາຍຈຸດ ແລະ ພໍຮອດເວລາປະມານ 18:00 ໂມງ ຂອງວັນທີ
12 ພຶດສະພາ 2016 ກໍພົບເຫັນລົດກະບະເປົ້າໝາຍໝາຍເລກທະບຽນ 1035 ກຳແພງນະຄອນ ແລ່ນມາຕາມເສັ້ນທາງເລກ 8 ແລະ ເຈົ້າໜ້າທີ່ໄດ້ຢຸດກວດລົດຄັນດັ່ງກ່າວພົບເຫັນກະເບົາໜ່ວຍໜຶ່ງຖືກໂຍນອອກຈາກລົດ, ຈາກນັ້ນເຈົ້າໜ້າທີ່ໄດ້ນຳກຳລັງເຂົ້າກວດກາ, ແຕ່ຜູ້ຂັບຂີ່
ແລະ ຜູ້ນັ່ງມານຳລົດສອງຄົນໄດ້ພະຍາຍາມຫລົບໜີເຂົ້າປ່າແຄມທາງ ເຈົ້າໜ້າທີ່ຈຶ່ງໄລ່ຕິດຕາມຈັບຕົວມາໄດ້ໜຶ່ງຄົນ ຄືທ້າວ ຕົງກູຊົງ ແລະ ຖົງທີ່ພວກກ່ຽວໂຍນຖິ້ມແມ່ນມີຢາບ້າຈຳນວນ 59.619 ເມັດ ຈຶ່ງຍຶດໄວ້ເປັນຫລັກຖານ ເພື່ອດຳເນີນຄະດີ, ພ້ອມອາຍັດລົດກະບະທີ່ພວກກ່ຽວໃຊ້ເປັນພາຫະນະເຄື່ອນໄຫວກະທຳຜິດຄັ້ງນີ້ ແລະ ຂະຫຍາຍຜົນຫາຜູ້ຮ່ວມຂະບວນການມາດຳເນີນຄະດີຕາມລະບຽບກົດ ໝາຍໂດຍໄວ.
No comments:
Post a Comment