ໃນໂອກາດສະເຫລີມສະຫລອງວັນສ້າງຕັ້ງສວນແກ້ວຫລັກເມືອງຄົບຮອບ 8 ປີ
(17 ພຶດສະ ພາ
2008 – 17 ພຶດສະພາ 2016) ທີ່ໄດ້ຈັດຂຶ້ນໃນວັນທີ 17 ພຶດສະພານີ້, ໂດຍການເຂົ້າຮວມ ຂອງທ່ານ ພັນຄໍາ ວິພາວັນ
ຮອງປະທານປະເທດແຫ່ງ ສ
ປປ ລາວ
ແລະ ມວນຊົນຊາວເມືອງຊໍາ ເໜືອເຂົ້າຮ່ວມຢ່າງຫລວງຫລາຍ.
ໃນພິທີສໍາຄັນນີ້, ທ່ານຮອງເຈົ້າເມືອງຊໍາເໜືອໄດ້ເລົ່າຄືນມູນເຊື້ອປະຫວັດຄວາມເປັນມາ ໃນການສ້າງຕັ້ງສວນແກ້ວຫລັກເມືອງ, ຊຶ່ງເປັນສັນຍາລັກຄູ່ບ້ານຄູ່ເມືອງ ແລະ ເປັນມິ່ງຂວັນແກ້ວ ຂວັນເມືອງ, ເປັນຄະຕິເຕືອນໃຈຂອງຊາວແຂວງຫົວພັນ ເຊັ່ນ: ຢູ່ຮ່ວມກັນຢ່າງສັນຕິສຸກ, ບຸກບືນ ສ້າງສາຄວາມຈະເລີນ,
ນໍາພາປະຊາຊົນຢູ່ເຢັນເປັນສຸກ ແລະ ປົກຄອງບ້ານເມືອງໂດຍຍຸ
ຕິທໍາ, ສາມາດເຮັດໃຫ້ເມືອງຊໍາເໜືອ ກໍຄືແຂວງຫົວພັນມີສະຖຽນລະພາບທາງດ້ານການເມືອງ, ມີ ຄວາມສະຫງົບປອດໄພ,
ເສດຖະກິດ-ສັງຄົມ ມີການພັດທະນາຂະຫຍາຍຕົວຢ່າງຕໍ່ເນື່ອງ.
ສວນແກ້ວຫລັກເມືອງແຫ່ງນີ້,ສ້າງຂື້ນເພື່ອເປັນສູນລວມທາງດ້ານຈິດໃຈ, ເພື່ອເຊີດຊູກຽດ ສັກສີ, ຊື່ສຽງ, ມູນເຊື້ອວິລະຊົນຂອງປະຊາຊົນບັນດາເຜົ່າທົ່ວແຂວງຫົວພັນ, ໃນດິນແດນແຫ່ງນີ້ ໄດ້ເປັນເຂດທີ່ໝັ້ນຂອງການປະຕິວັດ, ເປັນຖິ່ນກໍາເນີດຂອງພັກປະຊາຊົນປະຕິວັດລາວ, ເປັນຖິ່ນກໍາ
ເນີດກອງທັບປະຊາຊົນລາວ, ເປັນສູນກາງຊີ້ນໍາ-ນໍາພາການປະຕິວັດຈົນສາມາດໄດ້ຮັບໄຊຊະນະ ຢ່າງສົມບູນໃນວັນທີ 2 ທັນວາປີ
1975. ນອກນັ້ນຍັງເປັນສັນຍາລັກແຫ່ງຄວາມກະຕັນຍູຮູ້ບຸນຄຸນຂອງຊາວແຂວງຫົວພັນຕໍ່ບັນພະບູລຸດ, ນັກຮົບ ແລະ
ປະຊາຊົນທີ່ມີຄຸນງາມຄວາມດີຕໍ່ພາລະກິດປະຕິວັດ ກໍຄືພາລະກິດແຫ່ງການຕໍ່ສູ້ປົກປັກຮັກສາ ແລະ ສ້າງສາແຂວງຫົວພັນ.
No comments:
Post a Comment