ວັນທີ
18 ພຶດສະພານີ້, ບໍລິສັດ ໂຄລາວ ຈັດພິທີນຳສະເໜີລົດ ອີເເລນຕຣາ ຮຸ່ນທີ 6 (Elantra
6), ຂຶ້ນທີ່ສູນການຄ້າວຽງຈັນ ເຊັນເຕີ, ໂດຍການເຂົ້າຮ່ວມຂອງທ່ານ ນຳ ກວາງ
ໂຮ
(Nam Kwang Ho) ຮອງປະທານໃຫຍ່ກຸ່ມບໍລິສັດ ໂຄລາວ.
ລົດອີເເລນຕຣາ ຮຸ່ນທີ
6 ເປັນສູນລວມແນວຄວາມຄິດຂອງການປະສົມປະສານ ລະຫວ່າງນັກອອກແບບ ແລະ ນັກວິສະວະກອນຜະລິດລົດຂອງບໍລິສັດຮຸນໄດ,
ພາຍໃຕ້ແນວຄວາມຄິດຂອງນັກອອກແບບທີ່ຕ້ອງການໃຫ້ລົດ ອີເເລນຕຣາໃໝ່ນີ້ ເປັນລົດທີ່ມີ ຮູບຊົງຫລູຫລາ, ທັນສະໄໝ ແລະ
ງົດງາມມີສິລະປະລວດລາຍ, ເສັ້ນສາຍ ເພື່ອຄວາມໂດດເດັ່ນ ແລະ ຄວາມປະທັບໃຈໃນການຂັບຂີ່, ສ່ວນພາຍໃນປະກອບດ້ວຍອຸປະກອນຕົບແຕ່ງຢ່າງເໝາະ
ສົມຂອງປຸ່ມສັ່ງການຕ່າງໆ, ສາມາດປັບລະດັບຄວາມກວ້າງຂວາງພາຍໃນລົດໄດ້. ພິເສດ ເປັນເຄື່ອງຈັກແອັດຊັງ ຕາມມາດຕະຖານຂອງລົດ ອີເເລນຕຣາ ດ້ວຍລະບົບເກຍແບບໃໝ່ຊ່ວຍໃນການຂັບຂີ່ດີຂຶ້ນ ແລະ ທັງປະຢັດນ້ຳມັນເພີ່ມຂຶ້ນເຖິງ 3,3%.
ບໍລິສັດ ໂຄລາວ ເປັນບໍລິສັດຕົວແທນຈຳໜ່າຍລົດຮຸນໄດລາຍໃຫຍ່ທີ່ສຸດໃນລາວ ແລະ ຍັງເປັນບໍລິສັດທຳອິດທີ່ໄດ້ຮັບບູລິມະສິດ ໃນການນຳເຂົ້າລົດຮຸນໃດ ອີເເລນຕາ ທີ່ໄດ້ປັບປ່ຽນລັກສະນະຮູບໂສມໃໝ່ ແລະ ໄດ້ຮັບຄວາມນິຍົມສູງໃນປັດຈຸບັນ.
No comments:
Post a Comment