ແອເອເຊຍ ເປັນສາຍການບິນລາຄາປະຢັດທີ່ສຸດໃນໂລກ ໂດຍໄດ້ຮັບລາງວັນຈາກສະກາຍແທຣັກ (Skytrax), ຕິດຕໍ່ກັນ 7ປີ (2009-2015), ເລີ່ມຈາກວັນທີ 1 ກໍລະກົດ 2016 ເປັນຕົ້ນໄປ ສາຍການບິນ ແອເອເຊຍ ຈະເພີ່ມເຄື່ອຄ່າຍສາຍການບິນໃນກຸ່ມປະເທດອາຊຽນ ໂດຍເພີ່ມຈຳນວນຖ້ຽວບິນ ວຽງຈັນ-ບາງກອກ ດອນເມືອງ. ການເພີ່ມຖ້ຽວບິນ ວຽງຈັນ-ບາງກອກຄັ້ງທີ 2 ລະຫວ່າງ ສປປ ລາວ ແລະ ປະເທດໄທ ຄັ້ງນີ້ ໄດ້ເກີດຂຶ້ນບົນຄວາມສຳເລັດຈາກການເພີ່ມເສັ້ນທາງການບິນ ຫລວງພະບາງ-ບາງກອກ. ການສືບຕໍ່ຖ້ຽວບິນດັ່ງກ່າວຍັງຮັກສາໄວ້ຊຶ່ງລາຄາປີ້ຍົນທີ່ປະຢັດ ທີ່ມາພ້ອມກັບຄວາມສະດວກສະບາຍ ໂດຍມີບ່ອນນັ່ງຜູ້ໂດຍສານເຖິງ 180 ບ່ອນນັ່ງ ກັບເຮືອບິນແອບັດ (AirBus) A320.
ເປີດ
ຈອງບ່ອນນັ່ງກັບລາຄາເລີ່ມຕົ້ນພຽງ 320.000 ກີບຕໍ່ຖ້ຽວ, ເລີ່ມແຕ່ວັນທີ 8 ພຶດສະພາ 2016ນີ້, ຕາຕະລາງຖ້ຽວບິນເລີ່ມຈາກວັນທີ 1 ກໍລະກົດ 2016 ເຖິງວັນທີ 22 ພຶດສະພາ 2017.
ທ່ານ ສັນຕິສຸກ ຄລອງໄຊຍາ (Santisuk
Klongchaiya) ຜູ້ອຳນວຍການພານິດຂອງແອເອເຊຍ ປະເທດໄທ ໄດ້ກ່າວວ່າ: ການເພີ່ມຖ້ຽວບິນດັ່ງກ່າວ ແມ່ນເນື່ອງມາຈາກທີ່ໄດ້ຮັບຜົນຕອບຮັບທີ່ດີ ຈາກການເຊື່ອມຕໍ່ສາຍການບິນຄັ້ງທຳອິດ ລະຫວ່າງ ສປປ ລາວ ແລະ ປະເທດໄທ, ພ້ອມຈຳ ນວນນ້ຳໜັກຂຶ້ນເຄື່ອງ 80-85%, ໂດຍການເພີ່ມຖ້ຽວບິນເຊື່ອມຕໍ່ຊຸດທີ 2 ກັບເສັ້ນທາງ ວຽງຈັນ-ບາງກອກ ໂດຍນຳໃຊ້ສະໜາມບິນສາກົນດອນເມືອງ ທີ່ອຳນວຍຄວາມສະດວກແກ່ຜູ້ເດີນທາງສາມາດເຂົ້າເຖິງຈຸດໃຈກາງຂອງບາງກອກ ໄດ້ຢ່າງງ່າຍດາຍ.
No comments:
Post a Comment