ພາຍຫລັງເກີດເຫດການໄຟໄໝ້ຕະຫລາດໃຫຍ່ເມືອງປາກເຊ ແຂວງຈຳປາສັກ ເມື່ອເຊົ້າມືດຂອງວັນທີ 17 ພຶດສະພາຜ່ານມາຢ່າງຮ້າຍແຮງ ອັນໄດ້ສ້າງຄວາມຕື່ນຕົກໃຈໄປທົ່ວສັງຄົມ ແລະ ສ້າງຄວາມສູນເສຍໃຫ້ແກ່ຊາວຄ້າຂາຍທີ່ໄດ້ຮັບຜົນກະທົບຈາກເຫດການອັກຄີໄພຄັ້ງນີ້ບໍ່ໜ້ອຍ ເຊິ່ງຜ່ານການລາຍງານຂອງເຈົ້າໜ້າທີ່ສະກັດກັ້ນ ແລະ ຕ້ານອັກຄີໄພແຂວງຈຳປາສັກ ໃຫ້ຮູ້ວ່າ: ປັດຈຸບັນໄດ້ແຕ່ງຕັ້ງຄະນະລົງສືບສວນ-ສອບສວນຫາສາເຫດຂອງການເກີດອັກຄີໄພຄັ້ງນີ້ ເຊິ່ງເບື້ອງຕົ້ນຮູ້ພຽງວ່າມີອາຄານຕະຫລາດ 4 ຫລັງໄດ້ຮັບຜົນເສຍຫາຍ ແລະ ຕົ້ນເຟີງແມ່ນເກີດຂຶ້ນທີ່ອາຄານຕຶກ D ເຊິ່ງເປັນອາຄານຂາຍເຄື່ອງຍ່ອຍ ແລະ ເຄື່ອງໃຊ້ພາຍໃນເຮືອນ, ກ່ອນກະແສໄຟຈະລຸກລາມໃສ່ອາຄານຕຶກ A, B ແລະ C ລວມເຖິງຕຶກໃຫຍ່ຂອງຕະຫລາດດັ່ງກ່າວກໍໄດ້ຮັບຜົນເສຍຫາຍຈຳນວນໜຶ່ງ. ແນວໃດກໍຕາມ, ເຈົ້າໜ້າທີ່ຈະເລັ່ງສືບສວນ-ສອບສວນຊອກຫາສາເຫດຂອງການເກີດອັກຄີໄພຄັ້ງນີ້ໂດຍໄວ
ເພື່ອສ້າງຄວາມກະຈ່າງແຈ້ງໃຫ້ສັງຄົມເຂົ້າໃຈຕາມຄວາມເປັນຈິງ.
No comments:
Post a Comment