ສູນຂ່າວສານການແພດ
ແລະ ສຸຂະສຶກສາ,
ກະຊວງສາທາລະນະສຸກ ຮ່ວມກັບອົງການສະ ຫະປະຊາຊາດກອງທຶນສຳລັບປະຊາກອນ (UNFPA) ປະຈຳ ສປປ ລາວ ໄດ້ຈັດການສຳມະນາ
ໃຫ້ແກ່ສື່ມວນຊົນລາວ ໃນຫົວຂໍ້ “ສ້າງຄວາມເຂັ້ມແຂງໃຫ້ໄວໜຸ່ມຍິງ ເພື່ອປ້ອງກັນການຖືພາແຕ່ຍັງໜຸ່ມ” ຂຶ້ນໃນວັນທີ 29 ເມສາ ນີ້ ທີ່ນະຄອນຫລວງວຽງຈັນ, ໂດຍການເປັນປະທານຂອງທ່ານ ດຣ.ພັດ ເກິ່ງສາເນດ ຫົວໜ້າກົມອະນາໄມ ແລະ ສົ່ງເສີມສຸຂະພາບ ແລະ ທ່ານນາງ
ເຟຣເດີຣີກາ ເມເຈີ ຜູ້ຕາງໜ້າອົງການ UNFPA ປະຈຳ ສປປ ລາວ.
ການສຳມະນາດັ່ງກ່າວ, ເພື່ອເພີ່ມຄວາມຮັບຮູ້ ແລະ ເຂົ້າໃຈ
ໃຫ້ສື່ມວນຊົນກ່ຽວກັບສຸຂະພາບທາງເພດ ແລະ ສຸຂະພາບຈະເລີນພັນຂອງໄວໜຸ່ມ
ໂດຍສະເພາະແມ່ນບັນຫາການຖືພາແຕ່ອາຍຸຍັງນ້ອຍ, ພ້ອມທັງໃຫ້ສື່ມວນຊົນມີສ່ວນຮ່ວມໃນການສົ່ງເສີມ
ແລະ
ເພີ່ມຄວາມຮັບຮູ້ຕໍ່ຄວາມສຳຄັນຂອງການສ້າງຄວາມເຂັ້ມແຂງໃຫ້ໄວໜຸ່ມຍິງ
ແລະ ຫລຸດຜ່ອນການຖືພາແຕ່ຍັງໜຸ່ມ ຢູ່ ສປປ ລາວ.
ທ່ານ ດຣ. ພັດ ເກິ່ງສາເນດ ກ່າວວ່າ: ພວກເຮົາຕ້ອງໃຫ້ການເອົາໃຈໃສ່ພິເສດຕໍ່ສຸຂະພາບ
ຂອງແມ່ຍິງທີ່ຍັງໜຸ່ມ ແລະ ລູກຂອງເຂົາເຈົ້າ
ເນື່ອງຈາກວ່າເຂົາເຈົ້າມີຄວາມສ່ຽງສູງ ຕໍ່ອາການສົນໃນລະຫວ່າງຖືພາ ແລະ
ເກີດລູກ.
ການເກີດລູກແຕ່ອາຍຸຍັງນ້ອຍ ມັນຈຳກັດໂອກາດຂອງໄວໜຸ່ມຍິງ
ຕໍ່ການສຶກສາ ແລະ ການມີວຽກເຮັດງານທຳ, ສະນັ້ນ ແຜນຍຸດທະສາດແຫ່ງຊາດ ແລະ ແຜນປະຕິບັດງານສໍາລັບການບໍລິການ
ແບບເຊື່ອມຊຶມສານສຸຂະພາບຈະເລີນ ພັນ, ແມ່,
ເດັກເກີດໃໝ່ ແລະ ເດັກ ນ້ອຍຈຶ່ງມີຄວາມສຳຄັນໃນການແກ້ໄຂບັນຫາຄວາມຕ້ອງການ
ແລະ ສິດທິສຳຄັນກ່ຽວກັບສຸຂະພາບຈະເລີນພັນ, ແມ່, ເດັກເກີດໃໝ່ ແລະ ເດັກນ້ອຍ ລວມທັງໄວໜຸ່ມຍິງທັງໝົດ.
ສະນັ້ນ,
ເພື່ອເປັນການສ້າງຄວາມເຂັ້ມແຂງຂອງໄວໜຸ່ມຍິງ ແລະ
ປ້ອງກັນການຖືພາ ແມ່ນຕ້ອງເຮັດໃຫ້ເຂົາເຈົ້າເພີ່ມຄວາມຮັບຮູ້ກ່ຽວກັບບັນຫາ
ແລະ ສະໜອງຂໍ້ມູນ ເພື່ອໃຫ້ເຂົ້າເຖິງການບໍລິການ ແລະ
ຄູ່ຮ່ວມງານທີ່ສາມາດເຜີຍແຜ່ຂໍ້ມູນໄດ້ຢ່າງທົ່ວເຖິງກໍຄື ສື່ມ່ວນຊົນ.
No comments:
Post a Comment