ການຝຶກອົບຮົມວຽກງານຄຸ້ມຄອງວັດທະນະທຳ
ໃຫ້ແກ່ວິຊາການທີ່ເຮັດວຽກຄຸ້ມຄອງວັດທະ ນະທຳ ຈາກສູນກາງ ແລະ ທ້ອງຖິ່ນ ຈຳນວນ
37 ທ່ານ ໄດ້ສຳເລັດລົງໃນວັນທີ 29 ເມສານີ້ ພາຍ ຫລັງດຳເນີນມາເກືອບໜຶ່ງອາທິດ, ທີ່ສະຖາບັນສືື່ມວນຊົນ ໂດຍມີທ່ານ ສະຫວັນຄອນ ຣາຊມຸນຕີ ຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ
ແລະ ທ່ອງທ່ຽວ ເຂົ້າຮ່ວມ.
ຜ່ານການຄົ້ນຄວ້າບົດຮຽນ ໄດ້ຊ່ວຍໃຫ້ນັກສຳມະກອນ ສາມາດກຳໄດ້ເນື້ອໃນຈິດໃຈ ວຽກ ງານວັດທະນະທຳມະຫາຊົນ; ການສ້າງບຸກຄະລາກອນ ສີລະປະການສະແດງ, ການຄຸ້ມຄອງ, ການ ກວດແກ້ ແລະ ອະນຸຍາດນຳໃຊ້ເພງຮ້ອງ; ວຽກງານພິມຈຳໜ່າຍ; ຄຸ້ມຄອງວຽກງານຮູບເງົາ; ວຽກ ງານວິຈິດສິນ;
ກົດໝາຍຊັບສິນທາງປັນຍາ ແລະ ວຽກງານມໍລະດົກ. ການຝຶກອົບຮົມໄດ້ອີງໃສ່ທິດສະດີເປັນພື້ນຖານການບັນລະຍາຍ ໂດຍຕິດພັນກັບວຽກງານຕົວຈິງຢ່າງແທດເໝາະ ແລະ ກົມກຽວ
ເຮັດໃຫ້ສຳມະນາກອນເຂົ້າໃຈ ໃນວຽກຕົວຈິງຫລາຍຂຶ້ນ ແລະ ສາມາດນຳຄວາມຮູ້ໄປພັດທະນາປັບປຸງ ແລະ
ຜັນຂະຫຍາຍນຳໃຊ້ເຂົ້າໃນວຽກງານຕົວຈິງໃຫ້ເກີດປະໂຫຍດສູງສຸດ.
No comments:
Post a Comment