ແຫລ່ງຂ່າວທ້ອງຖິ່ນ ລາຍງານວ່າ: ໃນວັນທີ 23 ກໍລະກົດ 2016 ນີ້ ໄດ້ເກີດເຫດນ້ຳປ່າໄຫລຊຸ ລົງໃສ່ນ້ຳເຫືອງ ຍຶ່ງຖ້ວມບ້ານເຮືອນປະຊາຊົນໃນ 5 ບ້ານ ຢູ່ເມືອງບໍ່ແຕນ ແຂວງໄຊຍະບູລີ ຍ້ອນຝົນຕົກຕິດຕໍ່ກັນຫລາຍວັນ, ຄາດວ່າຈະມີມູນຄ່າເສຍຫລາຍກວ່າ 200 ລ້ານກີບ ແລະ ມາຮອດປັດຈຸບັນ ລະດັບນ້ຳແມ່ນກັບສູ່ ສະພາບປົກກະຕິແລ້ວ.
ຕາມການລາຍງານ
ຂອງຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງບໍ່ແຕນ ໃຫ້ຮູ້ວ່າ:
ທ້າຍອາທິດທີ່ຜ່ານມາ ໄດ້ເກີດມີຝົນຕົກຕິດຕໍ່ກັນຫລາຍວັນ ແລະ ຕົກໜັກຜິດປົກກະຕິ
ສົ່ງຜົນເຮັດໃຫ້ນ້ຳປ່າໄຫລຊຸ ລົງໃສ່ນ້ຳເຫືອງ ຍຶ່ງຖ້ວມເຮືອນປະຊາຊົນ ບ້ານນາຄ່າ, ບ້ານບໍ່ແຕນ, ບ້ານໃຫຍ່, ເຕົາ
ເກືອ
ແລະ ບ້ານດອນສະຫວ່າງ. ນອກຈາກເຮັດໃຫ້ເຮືອນຂອງປະຊາຊົນ ຈຳນວນ 7
ຫລັງເສຍຫາຍແລ້ວນ້ຳຍັງໄຫລເຂົ້າຖ້ວມເນື້ອທີ່ນາປີປັກດຳແລ້ວ 60 ກວ່າເຮັກຕາ , ໜອງປາ 56 ໜອງ ແລະ ສົ່ງຜົນໃຫ້ຊົນລະປະທານ 5 ແຫ່ງ ເປ່ເພເສຍຫາຍ ແລະ ອື່ນໆ.
ຕໍ່ກັບເຫດການດັ່ງກ່າວ, ອຳນາດການປົກຄອງເມືອງບໍ່ແຕນ ແຂວງໄຊຍະບູລີ ກໍໄດ້ລົງຕິດ ຕາມ ແລະ
ໃຫ້ການຊ່ວຍເຫລືອ ໃນເບື້ອງຕົ້ນແລ້ວ.
No comments:
Post a Comment