ກອງປະຊຸມລັດຖະມົນຕີຂອບການຮ່ວມມືແມ່ນໍ້າຂອງ-ແມ່ນໍ້າຄົງຄາຄັ້ງທີ 7, ຊຶ່ງປະກອບມີປະເທດກໍາປູເຈຍ, ລາວ, ມຽນມາ, ໄທ, ຫວຽດນາມ ແລະ ອີນເດຍ
ແລະ ກອງປະຊຸມລັດຖະມົນຕີຕ່າງປະເທດແມ່ນໍ້າຂອງ-ສ.ເກົາຫລີຄັ້ງທີ 6 ລວມມີປະເທດກໍາປູເຈຍ,
ລາວ, ມຽນມາ, ໄທ, ຫວຽດ ນາມ ແລະ ສ.ເກົາຫລີ
ໄດ້ຈັດຂຶ້ນໃນວັນທີ 24 ກໍລະກົດນີ້, ທີ່ນະຄອນຫລວງວຽງຈັນ.
ສໍາລັບກອງປະຊຸມລັດຖະມົນຕີຂອບການຮ່ວມມືແມ່ນໍ້າຂອງ-ແມ່ນໍ້າຄົງຄາຄັ້ງທີ 7
ໄດ້ຮັບ ຮອງເອົາເອກະສານສໍາຄັນຄື:
ຖະແຫລງການຮ່ວມກອງປະຊຸມລັດຖະມົນຕີຂອບການຮ່ວມມືແມ່ນໍ້າຂອງ-ແມ່ນໍ້າຄົງຄາຄັ້ງທີ 7 ແລະ
ແຜນປະຕິບັດງານຂອງຂອບການຮ່ວມມືແມ່ນໍ້າຂອງ-ແມ່ນໍ້າຄົງຄາໃນໄລຍະ 3 ປີຕໍ່ໜ້າ (
2016-2018) ເພື່ອເປັນບ່ອນອິງໃນການຈັດຕັ້ງປະຕິບັດສໍາລັບການຮ່ວມມືໃນຕໍ່ໜ້າ.
ສໍາ
ລັບການຮ່ວມມືແມ່ນໍ້າຂອງ-ແມ່ນໍ້າຄົງຄາໃນໄລຍະຜ່ານມາແມ່ນປະເທດອິນເດຍໄດ້ໃຫ້
ການຊ່ວຍເຫລືອການພັດທະນາຊັບພະຍາກອນມະນຸດ ໂດຍສະໜອງທຶນການສືກສາໃຫ້ແກ່ປະເທດກໍາປູເຈຍ, ລາວ, ມຽນມາ ແລະ ຫວຽດນາມ ຈໍານວນ 900 ທຶນຕໍ່ປີ ແລະ
ກໍາລັງຈັດຕັ້ງປະຕິບັດໂຄງ ການທີ່ເຫັນຜົນໄວຮ່ວມກັນຈໍານວນ 20 ໂຄງການ, ໃນນັ້ນ ສ ປປ ລາວ ມີ 3 ໂຄງການ ແລະ
ກອງປະຊຸມລັດຖະມົນຕີຂອບການຮ່ວມມືແມ່ນໍ້າຂອງ-ແມ່ນໍ້າຄົງຄາຄັ້ງຕໍ່ໄປຈະຈັດຂຶ້ນທີ່ປະເທດຟີລີບປີນໃນປີ
2017.
ສໍາລັບກອງປະຊຸມລັດຖະມົນຕີຕ່າງປະເທດແມ່ນໍ້າຂອງ-ສ.ເກົາຫລີຄັ້ງທີ 6
ໄດ້ຮັບຮອງເອົາຖະແຫລງການກອງປະຊຸມຄັ້ງນີ້
ເພື່ອເປັນບ່ອນອິງໃນການຈັດຕັ້ງປະຕິບັດວຽກງານຮ່ວມມືໃນຕໍ່ໜ້າ, ພິເສດກອງປະຊຸມໄດ້ເຫັນດີຕົກລົງຮັບຮອງເອົາ 7 ໂຄງການໃໝ່
ໂດຍນໍາໃຊ້ກອງທຶນເພື່ອການຮ່ວມມືແມ່ນໍ້າຂອງ-ສ.ເກົາຫລີ, ຊຶ່ງ
ສ.ເກົາຫລີ ໄດ້ປະກອບສ່ວນດ້ານງົບປະມານເຂົ້າໃນກອງທຶນດັ່ງກ່າວນັບແຕ່ປີ 2015
ເປັນຕົ້ນມາເປັນຈໍານວນ 1 ລ້ານໂດລາສະຫະລັດຕໍ່ປີ, ໃນນັ້ນມີ 1
ໂຄງການໃນ ສປ ປ ລາວ ຄື: ໂຄງການເພີ່ມທະວີຄວາມອາດສາມາດຂອງປະຊາຊົນ ແລະ
ບັນດາເມືອງທຸກຍາກຂອງ ສປປ ລາວ ໃນການເຂົ້າເຖິງນິຕິກໍາຂອງຂະແໜງການອຸດສະຫະກໍາ ແລະ
ການຄ້າ ລວມມູນຄ່າປະ ມານ 423 ພັນໂດລາສະຫະລັດ.
ຂອບການຮ່ວມມືແມ່ນໍ້າຂອງ-ສ.ເກົາຫລີ
ໄດ້ກວມເອົາຂົງເຂດວຽກງານຄື: ການເຊື່ອມຈອດອາຊຽນ, ການພັດທະນາແບບຍືນຍົງ
ແລະ ການພັດທະນາທີ່ຖືເອົາປະຊາຊົນເປັນໃຈກາງ ແລະ ກວມຫລາຍຂະແໜງການບູລິມະສິດຄື:
ການພັດທະນາພື້ນຖານໂຄງລ່າງ, ເຕັກໂນໂລຊີຂໍ້ມູນຂ່າວ ສານ,
ການພັດທະນາສີຂຽວ, ຊັບພະຍາກອນນໍ້າ, ກະສິກໍາ, ການພັດທະນາຊົນນະບົດ ແລະ
ການພັດທະນາຊັບພະຍາກອນມະນຸດ ແລະ ກອງປະຊຸມຄັ້ງຕໍ່ໄປຈະຈັດຂຶ້ນທີ່ ສ.ເກົາຫລີ.
No comments:
Post a Comment