ວັນທີ
16 ພະຈິກນີ້, ບໍລິສັດ ຕັນຈົງ ມໍເຕີ້ລາວ ຈຳກັດຜູ້ດຽວ, ໄດ້ຈັດພິທີນຳສະເໜີລົດນິສສັນ ທຸກຮຸ້ນຂອງຕົນ ສາມາດເຊື່ອມຕໍ່ກັບອິນເຕີເນັດ 4G ຄວາມໄວສູງພາຍໃນລົດ ແບບບໍ່ຈຳກັດ, ຂຶ້ນທີ່ນະຄອນ ຫລວງວຽງຈັນ, ໂດຍການເຂົ້າຮ່ວມຂອງທ່ານ Song Choon
Beng ອຳນວຍການໃຫຍ່ປະຈຳລາວ ແລະ ກຳປູເຈຍ, ພ້ອມດ້ວຍພາກສ່ວນກ່ຽວຂ້ອງອື່ນເຂົ້າຮ່ວມເປັນຈຳນວນຫລາຍ.
ຜູ້ອຳນວຍການ
ກ່າວວ່າ: ໂດຍການສອດຄ່ອງກັບແນວຄວາມຄິດຂອງລົດທີ່ມີຄວາມ ຫລູຫລາ
ແລ້ວ, ຍັງໄດ້ເສີມອຸປະກອນທີ່ທັນສະໄໝເຂົ້າໄປອີກ ເພື່ອເຊື່ອມໂຍງກັບເທັກໂນໂລຊີທີ່ມີຄວາມທັນສະໄໝ ເຂົ້າໃນຊີວິດປະຈຳວັນ, ໂດຍການເຊື່ອມຕໍ່ອິນເຕີເນັດທີ່ບໍ່ມີຂອບເຂດຈຳກັດເຂົ້າໃນລົດນິສສັນທຸກລຸ້ນ ເພື່ອສ້າງຄວາມສະດວກສະບາຍໃຫ້ລູກຄ້າຜູ້ໃຊ້ລົດປະເພດດັ່ງກ່າວ.
ບໍລິສັດ ຕັນຈົງ ເປັນບໍສັດໃນເຄືອຂອງບໍລິສັດ ຕັນຈົງ ມໍເຕີ້ ໂຮນດິ້ງ ບີເຮັຈດີ ມາເລເຊຍ, ຊຶ່ງເປັນບໍສັດຕົວແທນຈຳໜ່າຍລົດໃຫຍ່ຍີ່ຫໍ້ ນິສສັນ ພຽງຜູ້ດຽວໃນລາວ.
No comments:
Post a Comment