ເມື່ອບໍ່ດົນມານີ້, ບໍລິສັດ ຫົວເຫວີຍ ປະກາດຄວາມສຳເລັດຂອງຕົນ, ໂດຍສາມາດຍົກສູງຍອດຂາຍໂທລະສັບມືຖືຫົວເຫວີຍຮຸ່ນ P9 ບັນລຸເຖິງ 9 ລ້ານກວ່າເຄື່ອງ, ໃນນີ້ ພຽງ 2 ເດືອນທຳອິດຂອງການເປີດໂຕ ສາມາດຂາຍໄດ້ 3 ລ້ານເຄື່ອງ, ຊຶ່ງບໍ່ໄດ້ລວມກັບຮຸ່ນອື່ນໆຂອງຍີ່ຫໍ້ຫົວເຫວີຍ, ຄວາມສຳເລັດຄັ້ງນີ້ ເປັນອີກກ້າວໜຶ່ງທີ່ສຳຄັນຂອງບໍລິສັດ, ໂດຍການໃຊ້ເວລາຫລາຍປີສົມຄວນໃນການເລີ່ມຕົ້ນກັບການແຂ່ງຂັນກັບຜູ້ຜະລິດໂທລະສັບມືຖືຍີ່ຫໍ້ອື່ນ, ເຊິ່ງມາຮອດປັດຈຸບັນ ຫົວເຫວີຍ ໄດ້ກາຍເປັນທີ່ຮູ້ຈັກ ແລະ ມີຊື່ສຽງໃນທົ່ວໂລກ. ນອກນີ້ ບໍລິສັດ ຫົວເຫວີຍ ຍັງຄາດຫວັງວ່າຈະສູ້ຊົນເຮັດຍອດຂາຍ P9 ໃຫ້ເກີນ 10 ລ້ານເຄື່ອງພາຍໃນປີ 2016ນີ້.
ຫົວເຫວີຍ P9 ເປັນມືຖືສະມາດໂຟນຮຸ່ນພິເສດ, ຈໍໃຫຍ່, ມີກ້ອງທີ່ຄົມຊັດຂຶ້ນກວ່າເກົ່າ, ຍ້ອນເປັນກ້ອງເລນຄູ່ຈາກແບຣນກ້ອງຖ່າຍຮູບ Leica, ພ້ອມທັງຄຸນຄ່າທີ່ຫລາກຫລາຍ ແລະ ເປັນທີ່ນິຍົມຂອງໄວໜຸ່ມໃນປັດຈຸບັນອີກດ້ວຍ.
No comments:
Post a Comment