ຂີ່ຝຸ່ນທາງໜອງພະຍາສ້າງຄວາມເດືອດຮ້ອນໃຫ້ຜູ້ທ່ຽວທາງ ແລະ ປະຊາຊົນຜູ້ຢູ່ໃກ້ຄຽງ

          ປັດຈຸບັນນີ້, ໃນແຕ່ລະຊົ່ວໂມງ, ປະຊາຊົນຜູ້ອາໃສຢູ່ສອງຝາກທາງໜອງພະຍາ (ແຕ່ໄຟແດງຕາມມີໄຊອອກໄປໃສ່ເສັ້ນທາງ 13 ເໜືອ) ແລະ ຜູ້ທຽວທາງດັ່ງກ່າວຕ່າງ ກໍຕ້ອງໄດ້ທົນທຸກຈາກຂີ້ຝຸ່ນປິວໄຫ່ງຢູ່ຕະຫລອດເວລາ, ຍ້ອນການເບເພຊຸດໂຊມຂອງເສັ້ນທາງດັ່ງກ່າວ ແລະ ກໍຫລາຍຄັ້ງແລ້ວທີ່ປະຊາຊົນ ແລະອຳນາດການປົກຄອງໄດ້ນຳສະເໜີໃຫ້ຂະແໜງກ່ຽວຂ້ອງ, ໂດຍ ສະເພາະໂຍທານະຄອນ ຫລວງວຽງຈັນເພື່ອມີວິທີແກ້ໄຂແຕ່ແລ້ວກໍມິດຊ້ອຍມ້ອຍປານຫອຍໄຂ່, ປະໃຫ້ປະຊາຊົນ ແລະ ຜູ້ທຽວທາງສາຍນີ້ຈະຕ້ອງທົນທຸກໄປ, ໂດຍບໍຮູ້ວ່າເມື່ອໃດຈະຈັດການກໍ່ສ້າງປັບປຸງປະຊາຊົນຄອບຄົວໜຶ່ງຢູ່ແຄມທາງ

ດັ່ງກ່າວ, ສະແດງຄວາມໝົດຫວັງອອກມາວ່າ: ປັດຈຸບັນຄອບຄົວຈະ ຕ້ອງໄດ້ປິດປະຕູຢູ່ຕະຫລອດເວລາ, ພາຍຫລັງເສັ້ນທາງສາຍນີ້ເປເພຮ້າຍແຮງລົງ, ຍາມຝົນກໍໄດ້ທົນທຸກ   ກັບຄວາມເປື້ອນເປັນບວກເປັນຕົມ, ຕົກແລ້ງມາກໍແມ່ນຂີ້ຝຸ່ນ, ເຄື່ອງຂອງເປີດອອກມາກໍບໍໄດ້ຂາຍຈຳ  ເປັນປິດປະຕູ ແລະ ບໍຮູ້ວ່າຄວາມຫຍຸ້ງຍາກດ່ັງກ່າວ, ດົນປານໃດຈິ່ງຈະໄດ້ຮີບການແກ້ໄຂ, ເຊິ່ງຜ່ານມາ ກໍໄດ້ງິນຂ່າວຫລາຍບໍລິສັດຍົກໃຫຍ່ເພິ່ນຈະມາຮັບເໝົາປົວແປງແລ້ວ ໃນທີ່ສຸດກໍມິດຈ້ອຍໄປ, ຢ່າງບໍຮູ້ຕົ້ນ  ປາຍສາເຫດ ແລະ ຕະຫລອດຮອດຂະແໜງໂຍທາເອງເບິ່ງກໍຄືວ່າບໍມີໃຜຈະໄປສົນໃຈນຳເລື່ອງເສັ້ນທາງ   ນີ້ເພາະບ່ອນເຂົາສົນອາດແມ່ນເບີເຊັນ ຈາກຜູ້ຮັບເໝົາຫລາຍກວ່າ. ເອົາລະຫວັງວ່າຫລັງນີ້ພວກເຮົາຈະ  ເຫັນການປົວແປງເສັ້ນທາງສາຍນີ້ໃຫ້ມີຄວາມສະດວກສະ ບາຍດີຂຶ້ນ.